/ATSH/. - Mbrojtësi gjerman, Mats Hummels, edhe në sezonin e ardhshem do të jetë pjesë Borussia Dortmundit.
Lojtari ka vendosur të vazhdojë karrierën e tij me skuadrën aktuale, duke refuzuar mundësinë për të kaluar tek një skuader angleze apo spanjolle.
"Ka pasur gjithmonë thashetheme për gati të gjithë lojtarët tanë, por unë kam vendosur të mos lëviz këtë vit", u shpreh Hummels.
"Sigurisht se kur klubet e mëdha interesohen dhe Manchester United është një nga klubet më të mëdha në botë, është një nder. Por, unë kam vendosur të qëndroj këtu", shtoi me tej mbrojtësi gjerman