POP 5

Lajmet më të lexuara të 5 minutave të fundit

Ekonomi

Gjermeni në Kuvend: 145 zyrtarë
me kredi të buta, dosjet me shkelje

Gjermeni në komisionin e Ekonomisë në Kuvend: 145 zyrtarë të qeverisë Berisha kanë përfituar nga programi i kredive të buta që jepen nga shteti për familjet në nevojë.
Gjermeni në Kuvend: 145 zyrtarë<br />me kredi të buta, dosjet me shkelje
TIRANË - Janë 145 zyrtarë të qeverisë Berisha të cilët kanë përfituar nga programi i kredive të buta që jepen nga shteti për familjet në nevojë. Deklarata është bërë nga ministrja e Zhvillimit Urban, Eglantina Gjermeni e cila ka raportuar në komisionin e Ekonomisë në Kuvend.
 
“Situata e strehimit që kemi gjetur është alarmante”, u shpreh Gjermeni, duke e filluar me borxhin dhe abuzimin me kreditë e buta që jepen për shtresant në nevojë, nga të çilat kanë përfituar zyrtarë dhe politikanë.
 
“Unë e kam listën, por nuk mendoj se duhet bërë publike, pasi nuk është ky qëllimi. Do kërkoja që të jemi seriozë kur flasim për marrjen e kredive. Janë 145 zyrtarë për të cilët jo vetëm që nuk kemi gjetur dosje të plota dhe kjo është një nga shkeljet, por një pjesë e madhe e tyre kanë banesa dhe kanë marrë shtëpi të dyta apo të treta. Të gjitha këto shkelje kanë shkuar praën prokurorisë. Ne e bëmë auditin për të gjetur situatën ku jemi, ndërsa përsa i përket situatës së strehimit, periudha për 3 muaj e pak flet vetë”, deklaroi Gjermeni.
 
Familjet, të cilat janë trajtuar pa të drejtë me kredi të butë, që nënkupton kreditim me interes 3% për një afat 30-vjeçar, rrezikojnë t’u anulohet kredia. Zhbllokimi i projektit do të ndodhë në një fazë të dytë pas inspektimit që do t’i bëhet skemës që ka nisur funksionimin që nga viti 2009.
 
Kjo masë u mor, pasi përfitues nga fondi i kredive të buta për të pastrehët për vitin 2013, rezultojnë të kenë qenë më tepër zyrtarët dhe militantët, sesa qytetarë realisht të pastrehë.
 
Në fillim të këtij viti, Enti Kombëtar i Banesave kërkoi nga të gjitha bashkitë e vendit bllokimin e dhënies së kredive të buta për të pastrehët, me anë të një shkrese drejtuar kryebashkiakëve.
 
Gjatë raportimit në Komisionin parlamentar të Ekonomisë, ministrja e Turizmit dhe Zhvillimit Urban, Eglantina Gjermeni, tha se janë zbuluar abuzime të shumta me fondin për kredi të buta për strehim.
 
Ministrja Gjermeni foli edhe për blerjen e ndërtesave stok nga ana e shtetit, për t'ua dhënë me pas ato të pastrehëve që kanë aplikuar për kredi të buta.
 
Redaksia online
(ac/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Kina dhe Rusia kryejnë patrullim të përbashkët ajror mbi Detin e Japonisë

Kina dhe Rusia kryejnë patrullim të përbashkët ajror mbi Detin e Japonisë

29 Nëntor, 11:32