Receta

Gjevrekë me susam nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00

Redaksia 16 Korrik, 12:12 | Përditesimi: 16 Korrik, 12:13

Gjevrekë me susam

Përbërësit:

1 gotë qumësht ose kos
1/2 lugë maja
Pak sheqer
Pak kripë
Miell
2 vezë
Fara susami

Përgatitja:

LEXO EDHE:
Diples me arra dhe sherbet, ëmbëlsirë super e shpejtë nga zonja Albana

Trazojmë majanë me pak qumësht ose ujë të vakët, pak miell, pak sheqer dhe e lemë të vijë. Në masën e qumështit ose kosit hedhim kripë, majanë e ardhur dhe aq miell sa të zihet një brumë i butë. Brumi ngjeshet mirë pastaj mbulohet që të vijë për 1 orë. Më pas brumin e ardhur e ndajmë në toptha. I shpojmë topthat në mes dhe i hapim duke rritur rrethin me duar. Rrahim vezët dhe lyejmë mirë gjevrekët, më pas i spërkasim nga të gjitha anët me fara susami. I vendosim në një tavë të lyer me yndyrë dhe i lëmë të piqen në furrë në temperaturën 200 gradë derisa të marrin ngjyrë.

MC/Shqiptarja.com

TAG: