Maturantët e gjimnazit “Partizani” në Tiranë e kryen ceremoninë e diplomimit në shkollën e tyre të re, e cila është ringritur më e madhe dhe më e fortë se godina e mëparshme.
I pranishëm në këtë ceremoni të veçantë, kryetari i Bashkisë së Tiranës, Erion Veliaj tha se i vinte mirë për mbajtjen e premtimit, që të rinjtë e këtij gjimnazi do diplomoheshin në godinën e re.
“Kishte nga ata që thoshin se Lali i bën këto premtime sepse është në fushatë dhe me gjasë nuk ka për t’i mbajtur. Por, ja ku jemi sot! Unë besoj se fjala e dhënë duhet mbajtur. Për të gjithë ata që besuan, faleminderit dhe ta gëzoni shkollën e re ‘Partizani’,” u shpreh Veliaj. Ai vlerësoi faktin se nxënësit e pritën përfundimin e shkollës së tyre, duke ndjekur mësimet në shkollat aty pranë, e megjithatë nuk patën rënie në notat e tyre.
“Një shkollë më e mirë, më e re, më e madhe dhe më e bukur, sigurisht që ndihmon, por fakti që ‘Partizani’ edhe me shkollën e vjetër, edhe me kushtet e vështira e sfiduese, ishte një histori suksesi për Tiranën tonë, është e gjitha meritë e stafit pedagogjik, e atyre që investuan në dije, pavarësisht kushteve. Sot me kushtet e reja, edhe steka ngrihet më lart. Por, faleminderit për shërbimin, sepse unë besoj se, pavarësisht ku jemi thirrur të shërbejmë, secili prej nesh duhet ta punojë mirë ngastrën e tij. Di të them se skuadra juaj këtë ngastër e ka punuar në një mënyrë të mrekullueshme dhe jam shumë krenar për ju dhe të gjithë mësuesit dhe mësueset ndër vite, që kanë përgatitur një skuadër fantastike të ‘Partizonsve’,” tha Veliaj.
Kreu i Bashkisë shtoi se puna pas tërmetit ishte sa sfiduese, aq edhe solli mundësi të reja, sidomos për rindërtimin e shkollave në Tiranë.
“Vërtet na ra një krizë të cilën nuk e kishim në dorë, vërtet në jetë ndodhin fatkeqësi që askush nuk i ndalon dot, por nëse jeta ju jep limona, a mund të bëni limonadë? Nëse ju vjen një fatkeqësi, a mund ta ktheni në një mundësi? Nëse vjen një shkatërrim i madh, a mund ta kthejmë në diçka që është më e madhe, më e bukur dhe më e fortë? Unë besoj se ky është një nga mësimet më të rëndësishme dhe më të çmuara që mund të nxirrni nga jeta. Uroj të mos shihni kurrë ditë të trishtuara, mos të shihni kurrë problematika. Është shumë e rëndësishme që, siç keni kalitur mendjen, të kalisni edhe karakterin tuaj. Nëse do të vijnë sfida, do dorëzoheni apo do thoni: Kjo është një sfidë e madhe, por edhe një mundësi e jashtëzakonshme, që unë si ‘Partizons’ të shkëlqej në jetë?” e mbylli Veliaj fjalën e tij.
Nga ana e saj, ministrja e Arsimit, Evis Kushi theksoi faktin se gjimnazi i ri “Partizani” ofron tanimë kushte moderne dhe ambiente ku, jo vetëm nuk do ketë më nevojë për mësim me dy turne, por shkolla do i shërbejë edhe komunitetit të zonës përreth.
“Për ju ka qenë një vit i vështirë sepse gjatë kohës që shkolla rikonstruktohej, ju është dashur ta zhvilloni procesin mësimor në një shkollë tjetër pritëse. Ju ia keni dalë me shumë sukses, sepse i kam parë edhe rezultatet e Maturës Shtetërore të këtij viti dhe rezultatet tuaja janë shumë të kënaqshme. Sot dua të falenderoj Bashkinë e Tiranës që e mbajti premtimin dhe ceremoninë e diplomimit po e zhvilloni në këtë oborr, përpara kësaj shkolle, që sot është me standardet më të mira bashkëkohore. Këtu, më në fund, nuk do të ketë më mësim me dy turne, sepse kemi shumë hapësira shtesë, kemi klasa shtesë, kemi më shumë laboratorë, kemi një bibliotekë shumë të mirë, kemi një palestër, e cila shërben edhe si një qendër multifunksionale,” tha ministrja Kushi.
Lajme të tjera
-
Veliaj inspekton terminalin veri-perëndimor: Investim i ri që lehtëson trafikun dhe modernizon transportin
23 Nëntor, 11:51 -
Vrasja e Martinit/ Shoqëria civile deklaratë para shkollës 'Fan Noli': Bojkot mësimit nëse nuk merren masa, të dorëhiqet Manastilriu
23 Nëntor, 10:42 -
Gjendet thika me të cilën u vra Martini, autori e hodhi në tarracën e një godine pranë Gjykatës së Apelit, e pikasi një banor! Mister kush e çoi në spital (VIDEO)
23 Nëntor, 10:09
-
Policia i ‘kap mat’ në tavolinën e pokerit, 29 të arrestuar në Tiranë! 1 në kërkim, sekuestrohen para (EMRAT)
23 Nëntor, 09:43 -
Vrau në Krujë vëllezërit Bardhi pasi i plagosën vëllanë, Gjykata e Tiranës dënon me burgim të përjetshëm Roland Pulën
22 Nëntor, 21:19 -
Tiranë/ Policia po zhvillon operacion kundër lojërave të fatit, kapen disa persona
22 Nëntor, 21:19 -
Vrasja e Martinit/ Gjendet pranë Gjykatës së Apelit thika, me të cilën u kry krimi! Bashkë me të edhe çanta e shkollës e 14 vjeçarit të arrestuar si autor
22 Nëntor, 21:09 -
Vrasja e Martinit, zbardhet audioja tronditëse në mbledhjen e prindër te 'Fan Noli': Autori nxori thikën në klasë, mbani përgjegjësi
22 Nëntor, 20:30 -
Gruas i duhet të pastrojë vetë pusetën për të shpëtuar nga përmbytja! Shikoni videon tek 'Myslym Shyri' në Tiranë (VIDEO)
22 Nëntor, 18:23 -
Tiranë/ Plagosja e 20-vjeçarit në 'Qytetin Studenti', arrestohet 19-vjeçari nga Kamza! Nën hetim edhe personi që i shiti thikën
22 Nëntor, 15:46 -
Vrasja e Klaudio Prendit/ Ishte në kafe me 3 policë, njëri ndoqi mjetin e autorëve pas ekzekutimit! Vrasësit me 'Audi A4' vëzhguan zonën para krimit
22 Nëntor, 10:47 -
Vrasja e Martinit, 'arrest me burg' 14 vjeçarit, gjyqi mbahet në spital! I mituri s'tregon ku fshehu thikën: S'mbaj mend çfarë ndodhi! Hetohet kush e ndihmoi
22 Nëntor, 09:36
