Fakti që ishte i dënuar nga gjykata me 8 vite burg në vitin 2013 për prodhim dhe shitje të lëndëve narkotike, nuk e ka penguar një 26- vjeçar të qëndronte në liri deri ditën e sotme.

Dorian Shehu, banues në Memaliaj, është arrestuar ditën e sotme nga blutë e Gjirokastrës, të cilët zbatuan një urdhër të lëshuar nga prokuroria për zbatimin e vendimit të gjykatës, të dhënë në 11.06.2013, të cilin Gjykata e Apeit Gjirokastër  në 27.03.2014 e kishte lënë në fuqi.

Njoftimi i policisë:
Në datë  26.08.2017, nga specialistët e seksionit për Hetimin e Narkotikëve në D.V.P. Gjirokastër u bë ndalimi i shtetasit :

Dorian Shehu, 26 vjeç, banues në Memaliaj.

Ndalimi i këtij shtetasi u bë pasi :

Prokuroria ka lëshuar urdhërin e datës 24.03.2014, për ekzekutimin e vendimit penal nr. 21-2013-1025/129,  datë 11.06.2013 të Gjykatës së Rrethit Gjyqësor Gjirokastër,  i cili është lënë në fuqi me vendimin nr. 37 datë 27.02.2014 të Gjykatës së Apelit Gjirokastër për shtetasin Dorian Shehu, pasi kjo Gjykatë e ka dënuar  me 8 (tetë) vite burgim, për veprën penale “Prodhimi dhe shitja e narkotikëve”,  parashikuar nga neni 283/2 i Kodit Penal.

Redaksia Online
D.T/Shqiptarja.com