Temperaturat e larta të këtyre ditëve po bëhen problematike për një pjesë të banorëve në qytetin e Gjirokastrës, të cilët vuajnë mungesën e ujit të pijshëm.

Mosfurnizimi i tyre ka krijuar probleme në jetën e përdishme të banorëve të cilëve ju duhet të marin ujë në vende nga më të ndryshmet, madje edhe t’a blejnë atë.

Sipas banorëve të lagjes Zinxhira, problematika e mosfurnizimit me ujë të pijshëm, po vazhdon prej disa javësh.

Ndërkohë Ndërmarrja e Ujësjellës-Kanalizimeve në Gjirokastër, ka ndërhyrë në disa raste për rehabiltimin e linjave të dëmtuara, por një masë e tillë nuk ka mjaftuar.