POP 5

Lajmet më të lexuara të 5 minutave të fundit

Sociale

Gjirokastër/ Rrëshqitjet masive të dheut në lagjen “Punëtori”, fillon rehabilitimi i terrenit

Janarin e këti viti lagjia Punëtori në Gjirokastër u përfshi nga një rrëshqitje masivi i dheut, ndërkohë që u rrezikua edhe një pallat 6 katësh. Këtë të martë ka nisur sondimi i zonës e më pas do të bëhen edhe ndërhyrjet për të rehabilituar zonën

Ka nisur sot sondimi i terrenit shtufor në kodrën e lagjes “Punëtori” ku në janar të këtij viti, një pallat gjashtë katësh si dhe disa banesa private, rrezikuan shembjen. Një grup specialistësh të firmës që merret me sondimin e terrenit, kanë nisur sot shpimet në fundin e kodrës dhe gjatë 36 ditëve do të avancojnë në të gjithë hapësirën që mbart rrezik shembjeje si rrjedhojë e pasurimit me ujëra nën dhe mbitokësorë.  

Kjo ndërhyrje kryhet pas përpilimit të projektit nga ana e Bashkisë së Gjirokastrës me vlerën e 4 milionë lekëve dhe vonesa ka ardhur si pasojë e tenderimit. Nënkryetari i Bashkisë së Gjirokastrës, Vangjel Muço, shprehet se pas përfundimit të procesit të startuar sot, qeveria shqiptare është ajo që do të alokojë fondet për ndërhyrje.

Këtu ndodhemi në trupin e rrëshqitjes që ka ndodhur vitin e shkuar, dhe jemi në momentin e sondimit për të stabilizuar këtë rrëshqitje. Do të bëjmë vazhdimisht kërkesat pranë qeverisë për të na mbështetur.

Vangjel Muço, nënkryetar i Bashkisë Gjirokastër.

Në 5 janar të këtij viti, trualli nën pallatin 6 katësh në kodrën e lagjes “Punëtori” pati lëkundje tektonike ccka bëri të mundur evakuimin e të gjithë bujtësve të kësaj ndërtese, si dhe evakuimin e familjeve në ndërtesat private rreth e rrotull.

Familjet u strehuan në konvikt dhe në hotele nga Bashkia për të shmangur rrezikun e shembjes së ndërtesës. Pas disa javësh, familjet u rikthyen në pallat dhe sot e kësaj dite ata rrojnë me frikën e shembjes së godinës ku jetojnë.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

4 Nëntor, 22:51