Antraksi apo sëmundja e plasjes siç njihet prej blegtorëve është rishfaqur këtë muaj në një vatër të re në Qarkun e Gjirokastrës duke e çuar në 13 numrin e vatrave të riskuara për vaksinim. Në fshatin Lazarat, blegtoret kane gjetur të ngordhura 3 lopë dhe dy kuaj.
Sipas sherbimit veterinar në Gjirokastër eshte bere menjeherë groposja e kafshëve të ngordhura dhe karantinimi i bagëtive të tjera.
![](https://shqiptarja.com/template/img/NO_ALFA_Kuadrate shqiptarja.png)
“Ka kafshë të ngordhura dhe njerëz të sëmurë në Lazarat. Është bërë groposja e kafshëve të ngordhura dhe karantinimi në atë periferi”, tha veterineri Krenar Veliu.
Sëmundja ka prekur tre banorë të zonës, të cilët ndodhen jashtë rrezikut për jetën në spitalin rajonal të Gjirokastrës. Sëmundja e plasjes është e rrezikshme jo vetëm për kafshët por edhe për njerëzit, kryesisht për blegtorët e kasapët që janë në kontakt të drejtpërdrejtë me kafshët. Plasja prek njeriun duke depërtuar nga një dëmtim ose gërvishtje të lëkurës pas kontaktit të drejtpërdrejtë me kafshët e infektuara ose produktet e tyre. Njerëzit mund të infektohen edhe duke konsumuar mish të bagëtive të infektuara. Për të parandaluar rastet e infektimit me sëmundjen e antraksit, Shërbimi Veterinar u bën thirrje qytetarëve që të konsumojnë vetëm produkte me certifikatë shëndetësore veterinare.
“Të infektuarit janë blegtorë që kanë pasur kontakt me kafshët e ngordhura. Është bërë hetimi epidemiologjik dhe është izoluar vatra në Lazarat. Por kështu i bëj thirrje popullatës që të mos konsumojnë mishin nëse nuk është i kontrolluar dhe certifikuar nga veterineri në thertoret e licensuara”, tha më tej veterineri.
Nën kontroll po mbahet edhe importi i gjëse së gjalle nga Greqia për shkak te murtajës që ka prekur bagetitë në shtetin fqinj.
Komente
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)
Ja dhe gabimi qe bejne:duhet t'i kishin djegur karkasat dhe pastaj t'i groposnin e t'ju hidhnin klor,ose gelqere siper sa per garanci.Duke bere vetem veprimin e groposjes,antraksi rikthehet ne mjedisin nga ku krijohet,ne toke e bar e keshtu mjafton nje shi,pastaj temperatura te larta dhe cikli rifillon nga e para.
Përgjigju