POP 5

Lajmet më të lexuara të 5 minutave të fundit

Kronikë

GJKKO dënon me 4 vite burg në total 2 të pandehur për korrupsion, Arben Tusha ish-zyrtar i Burgjeve! Përfitojnë gjykim të shkurtuar, njërit i kthehet shërbim prove

SPAK i çoi në gjyq pas denoncimit më 2022 nga një qytetar, që tha se Arben Tusha i mori 600 euro për t'i pastruar dëshminë e penalitetit, pasi punonte te zyra e Gjendjes Gjyqësore. GJKKO ka dhënë 3 vite burgim i konvertuar në 2 vite izolim për Tushën, dhe 1 vit heqje lirie e konvertuar në 8 muaj për Ded Ndojin, por i kthyer përfundimisht në 16 muaj shërbim prove

GJKKO dënon me 4 vite burg në total 2 të pandehur për korrupsion, Arben Tusha ish-zyrtar i Burgjeve! Përfitojnë gjykim të shkurtuar, njërit i kthehet shërbim prove

Gjykata e Posaçme ka dënuar sot (11 Dhjetor) me 4 vite burgim në total 2 persona të pandehur, për akuzën e korrupsionit aktiv të personave që ushtrojnë funksione publike.

Në aplikim të gjykimit të shkurtuar, pasi të pandehurit kishin pranuar aktet e dosjes së SPAK, GJKKO ka dhënë 3 vite burgim, i konvertuar në 2 vite izolim, për Arben Tushën, ish-zyrtar i Burgjeve, banues në Tiranë, i cili do e vuajë në një burg të sigurisë së zakonshme.

Dhe 1 vit heqje lirie e konvertuar në 8 muaj për Ded Ndojin, banues në Lezhë, teksa në bazë të Nenit 59 iu pezullua si dënim dhe u kthye në 16 muaj shërbim prove.

Arben Tusha, me masë arresti në burg në mungesë, sipas GJKKO-së e humb edhe të drejtën e pjesëmarrjes në funksione publike apo administratë për 5 vite.

Në muajin Shtator 2022, ish-specialisti i Drejtorisë së Përgjithshme e Burgjeve Arben Tusha, u shkarkua nga detyra pranë Sektorit të Gjendjes Gjyqësore, pas denoncimit.

Nëpërmjet ryshfetit, ai pajisi një qytetar me vërtetim të gjendjes gjyqësore me të dhëna të rreme, ku nuk dokumentohet dënimi që kishte marrë.

Më parë ishin pezulluar nga detyra edhe dy punonjës të tjerë për këtë rast, që nuk kishin bërë mbikëqyrjen e Tushës. Denoncimi u bë nga një qytetar, se një zyrtarë i zyrës së Gjendjes Gjyqësore i kishte kërkuar 600 euro në mënyrë që t’i pastronte atij dëshminë e penalitetit. 

Vetë qytetari tregoi se në vitin 2012 është dënuar me 8 vite burg, dënim të cilin e ka shlyer në vitin 2017 dhe i është kërkuar ryshfet për dokumentin e dëshmisë së penalitetit.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Tiranë/ Vrasja e Xhemal Metës në Shëngjin të Vogël, në pranga autori, e qëlloi me çekiç! 64 vjeçari i vodhi 200 mijë lekë viktimës pasi e vrau

Tiranë/ Vrasja e Xhemal Metës në Shëngjin të Vogël, në pranga autori, e qëlloi me çekiç! 64 vjeçari i vodhi 200 mijë lekë viktimës pasi e vrau

15 Janar, 17:20