POP 5

Lajmet më të lexuara të 5 minutave të fundit

Politikë

GJKKO e dënoi me 1 vit burg për korrupsion në zgjedhje, Kryebashkiaku i Rrogozhinës, Memolla: Nuk iki nga posti pa vendim të formës së prerë

Edison Memolla deklaron se nuk do të largohet nga posti i kryetarit bashkisë së Rrogozhinës pa thënë fjalën e vet dhe Apeli i GJKKO-së, shkalla e dytë e gjyqësorit ku ka ankimuar dënimin me 1 vit burg të dhënë nga GJKKO.

GJKKO e dënoi me 1 vit burg për korrupsion në zgjedhje, Kryebashkiaku i Rrogozhinës, Memolla: Nuk iki nga posti pa vendim të formës së prerë

Edison Memolla, foto arkive

TIRANE- Edison Memolla deklaron se nuk do të largohet nga posti i kryetarit bashkisë së Rrogozhinës pa thënë fjalën e vet dhe Apeli i GJKKO-së, shkalla e dytë e gjyqësorit ku ka ankimuar dënimin me 1 vit burg të dhënë nga GJKKO.

Dy ditë më parë GJKKO e shpalli fajtor Memollën për akuzën e “Korrupsionit aktiv në zgjedhje” kryer në bashkëpunim duke e dënuar me 1 vit burg dhe ndalimin e ushtrimit të funksioneve publike për një periudhë 5 vjeçare. Sipas trupit gjykues është provuar se Memolla ndërhyri pranë OSHEE që të mos u ndërpritej energjia elektrike debitorëve, me qëllim që ata ta votonin në zgjedhjet e pjesshme vendore të 6 marsit 2022, ku ai kandidonte nën siglën e socialistëve, ku edhe rezultoi fitues.

Përmes një postimi në facebook Memolla e quan vendimin të pambështetur aspak në prova dhe fakte prandaj do ta apelojë.

Duke vënë në dukje se do të vijojë të mbështesë drejtësinë e re dhe është gati që të pranojë çfarëdolloj vendimi të dhënë kundrejt tij bën të qartë se do të vijojë të jetë në krye të detyrës deri kur Apeli i GJKKO-së të vendosë.

Që kur mu besua detyra e përfaqësuesit të popullit tim, kam qenë në dijeni për peshën që do sillte në çdo dimension të sajin.

Drejtësinë e Re e kam mbështetur fuqimisht dhe si rrjedhojë jam i hapur të pranoj çfarëdolloj vendimi të dhënë kundrejt meje, por kjo nuk më pengon të apeloj një vendim i cili nuk është i mbështetur aspak në prova dhe fakte.

Theksoj se deri në një vendim të formës së prerë e më tej, unë jam kryetar i bashkisë Rrogozhinë, në krye të detyrës dhe i vetdijshëm për të gjitha përgjegjësitë që ky post sjell.

Së fundmi, ju falenderoj nga zemra të gjithë ju që keni qenë pranë meje duke më njohur, mbështetur si njeri, duke besuar të vërtetën time të pafajshme dhe s'më keni kthyer shpinën edhe kur situata duket e vështirë" shkruan Memolla në një postim në facebook të 26 janarit. 

Më 24 janar 2025, trupi gjykues i përbërë nga gjyqtarët: Flojera Davidhi, Elsa Ulliri, Erjon Bani  dha vendimin e dënimit për Edison Memollën. Për bashkëtëpandehurin Ndriçim Tafxhafa, GJKKO dha dënimin me 1 vit burg

Ndërsa për Blerim Xhamanin, u dha dënimi me 1 vit burg e për Isuf Toskun 8 muaj burg, i cili u pezullua në shërbim prove.

S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Gjergj: 26/01/2025 14:45

    U katandis kaposhi njè thelè me kètè qeveri hajdutèsh. Njèherè e njèkohè donin tè ishin e kundèrta e Sali mortjes,,,sot janè bèrè si ai dhe hajdutèt e tij. Zyrat e pushtetit vendor MBUSHUR ME DELINKUENTÈ qè presèn vendimin e formès sè prerè. Mirèsevini nè Afganistan.!!!

    Përgjigju
  • Eri: 26/01/2025 14:42

    Rri Saliu me 4 të vrarë në liri, shkojnë të tjerët për një arkë peshk dhe 5 vota në burg.

    Përgjigju
  • Oficeri qe u polic: 26/01/2025 12:59

    Po shumê mirê o Edison Medardha . Keshtu duhet te behet per te gjithe ama.. e jo ca te nenes e ca te babes

    Përgjigju
  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Rindërtohet gjimnazi ‘Sulejman Elezi’

Rindërtohet gjimnazi ‘Sulejman Elezi’

27 Janar, 08:32