GJKKO e la në burg, avokati i Beqajt: Tentativë për ta denigruar si figurë dhe për ta penguar që të vazhdojë me 'Sterilizimin'

Avokati mbrojtës i Ilir Beqajt, Ermal Yzeiraj pas seancës në GJKKO, tha se ish-ministri nuk i shmanget drejtësisë, ndërsa e gjithë kjo është një tentativë për 3 qëllime.

“Zoti Beqaj dhe personat e tjerë sqaruan dhe faktin në bashkëpunim sesi SASPAC-u me Ministrinë e Kulturës kishin organizuar një event dhe arsyeja pse një event i përbashkët mbante dy fatura që në dukje janë si zëra të publikuar, por faktikisht është për shkak të eventit që nga dita e parë e në vazhdim u nda salla në disa mikrofonë, panele e disa përkthime. Zoti Beqaj sqaroi edhe gjykatën që kjo është një tentativë për ta denigruar si figurë, për ta nxjerrë si person që mund të akuzohet edhe për vjedhje nga më minimalet, nga më të voglat, për ta penguar zotin Beqaj që të vazhdojë të punojë për çështjen e sterilizimit në gjykatë dhe për të penguar edhe deklarimin e tij në Kuvend.

LEXO EDHE:
GJKKO lë në burg Ilir Beqajn dhe Ermal Kurtulajn! Ish-ministrit i refuzohet garancia pasurore prej 50 mijë eurosh! Lehtësohet masa për Alfred Nikollajn

Në mendimin tonë është pikërisht organi i akuzës i cili çështjen e zotit Beqaj ka personale sepse me këtë ka filluar edhe aktiviteti i SPAK-ut, me kallëzimet ndaj zotit Beqaj. Dështimi i çështjeve kryesore si “Sterilizimi” dhe “Check up”-i për akuzën është shumë domethënëse”.- tha Yzeriaj.

Sa i përket vlerës totale të mashtrimit, avokati tha se e ka pyetur disa herë gjykatën, por nuk ka marrë një shifër si përgjigje.

“Është e paqartë sasia e parave që pretendohet se Beqaj ka përfituar dhe nuk ka nga SPAK-u një përgjigje në lidhje me këtë. Pa u përgjigjur sa është sasia, nuk mund të ngresh akuzë për zotin Beqaj”, përfundoi ai

Lajmi kryesor:

GJKKO lë në burg Ilir Beqajn dhe Ermal Kurtulajn! Ish-ministrit i refuzohet garancia pasurore prej 50 mijë eurosh! Lehtësohet masa për Alfred Nikollajn

M.Q./Shqiptarja.com

TAG:
• alfred nikolla
• Ermal Kurtulaj
• ilir beqaj
• GJKKO
• dosja saspak
• SASPAC