Mbrëmjen e sotme (10 janar) në studion e emisionit ‘Repolitix’ me gazetarin Denis Minga në Report Tv u diskutua vendimi i zbardhur i GJKKO-së për ashpërsimin e masës së sigurisë për Sali Berishën i cili akuzohet për korrupsion pasiv në aferën e privatizimit të kompleksit ‘Partizani’.
Në vendimin e zbardhur Gjykata e Posaçme, përveç argumenteve të tjera mbi masën e arrestit për ish-kryeministrin, hedh poshtë pretendimet e Berishës për përndjekje politike ndaj tij.
Kreu i Lëvizjes së Re, Arian Galdini u shpreh se Sali Berisha do të kthehet në shembull për politikanët e tjerë në mënyrë që askush prej tyre të mos mendojë se mund t’i vendosë barrierë gjykatës dhe të mos e lejojnë të bëjë punën e saj.
“Kam paralajmëruar se Berisha jo vetëm që do kalojë në vrimën e gjilpërës por pavarësisht taktikave për ta ndotur me ushqim politik atë që po ndodh ndaj tij, nuk ka qare pa kaluar përmes procesit të drejtësisë. Gjykata nuk po lejon një politikan që të vendosë politikën si barrierë që ajo të bëjë punën e saj. Jurisprudenca ka edhe një element vendimmarrje, filozofi e së drejtës. Kemi edhe këtë element në argumentimin e gjykatës. Rasti Berisha do kthehet në një shembull që askush të mos e diskutojë se ballafaqimi me gjykatën është kalimi në vrimën e gjilpërës ku të gjithë politikanët do të kalojnë. Bën mirë gjykata që përballet me këto pretendime”- tha Galdini.
Anëtari i Këshillit Kombëtar të PD, Besart Logu duke komentuar edhe arsyetimin e gjykatës që sqaronte se vendimi ndaj Berishës nuk është përndjekje politike, tha se edhe prokurorët e SPAK duhet të jenë më shumë prezentë në publik me deklarata shtypi për të sqaruar interesin publik. Sipas tij, gjykata ka bërë mirë që i është përgjigjur pretendimit të Berishës për përndjekje politike.
“Më duket si vendim shumë korrekt i gjykatës. E konsideron Berishën si subjekt nën hetim. Nëse do kemi parasysh, Gjokutaj në cilësinë e avokatit ka mbajtur një qëndrim që ka tejkaluar aspektin ligjor. Unë e kam më shumë me SPAK sesa me GJKKO. Prokurorët duhet të jenë më prezent në publik. Nëse ka institucion që është i goditur sot, është SPAK dhe GJKKO. Zyra e shtypit duhet të jetë më prezente sa i përket mbrojtjes së interesit publik. Gjykata e ka me ligj të përgjigjet çdo pretendimi”- tha Logu.
Avokati Përparim Caca tha se gjykata nuk ka pse t’i përgjigjet pretendimeve politike të Berishës. Ndërsa sa i takon diskutimit nëse Berisha po shkel masën e GJKKO për të mos komunikuar me persona jo-familjarë duke folur nga ballkoni i banesës, tha se ish-kryeministri është ende deputet dhe i lejohet komunikimi publik me zgjedhësit.
“Kjo është një mënyrë sesi duhet të zbatohet masa. Është tagri i gjykatës por jo masë më vete. Në kuptimin e interpretimit nëse cënohet masa duke mos zbatuar këtë lloj kushti, është për t’u parë. Sa i përket klauzolës së moskomunikimit. Esdhe vetë gjykata e ka cilësuar se këtu mund të shkelet neni 10 i Konventës Europiane që ka të bëjë me lirinë e shprehjes. Mos harroni që Berisha është ende deputet dhe si i tillë do duhet të komunikojë me zgjedhësit e tij. Bën me ta një komunikim publik. Nuk besoj se do ketë ashpërsim mase. Me këtë lloj zbatimi të masës do jetë interesant vendimi i gjykatës së Apelit”- u shpreh Caca.
Ish-deputeti Arben Meçaj sa i takon pretendimeve të Berishës për përndjekje politike tha se GJKKO e ka marrë vendimin për ashpërsimin e masës së sigurisë vetëm për faktin se ish-kryeministri nuk zbatoi masën e caktuar më herët.
Ish-deputeti Arben Meçaj ironizoi Sali Berishën dhe militantët që mblidhen poshtë ballkonit të banesës së tij nga ku ai mban fjalim edhe pse në arrest shtëpie.
Meçaj i ftuar në studion e ‘Repolitix’ në Report Tv tha se ndryshe nga ditët e para, militantët e Berishës nuk e ngrenë më kokën për ta parë atë teksa flet pasi frikësohen se mos kontakti me sy shkel masën e GJKKO për mos-lejimin e komunikimit me persona jofamiljarë.
“Sipas kodit penal është gjykata që ka tagër për të përcaktuar modalitetet e masës së arrestit. Më bëri përshtypje deri para 4 ditësh, komunikimi ishte gjithë kokën sipër dhe shihnin Berishën a thua se është Mesia. Në gjithë besimet fetare gjithë ikonat i kanë sytë drejt zotit, sot i kanë të gjithë kokën poshtë. Ata që janë poshtë nuk sheh asnjë lart. Sepse sot filloi debati i madh. Kur ky flet me ata, i bie që komunikon me ta apo ky flet me vete. Këta njerëz e ndërprenë këtë pjesën e komunikimit? Ky mekanizëm fizik i kontaktit sy më sy interpretohet si komunikim në jurisprudencë. Nga sot nuk do kemi më kontakt sy më sy”- tha Meçaj.
Lajme të tjera
-
Elezi në Report Tv: Berisha nga Partia Komuniste, dështoi me protestën! Toska: Fije shprese për mbështetësit
27 Nëntor, 21:11 -
Evi Kokalari reagon për lirimin e Berishës: Mos u gëzoni kot, s’ka lidhje administrata e Trump! Më intereson investigimi i kullës së malit, për atë më bënë kurban!
27 Nëntor, 19:10 -
Jakin Marena: Berisha ‘xhiroi bosh’ një vit, rikthim në pikën zero, pa kauza e alibi
27 Nëntor, 19:03
-
Falenderoi gjyqtaren që e liroi, por çfarë thoshte Berisha pak ditë më parë për të
27 Nëntor, 18:33
-
Ylli Pata: Mitet që rrëzoi dhe precedenti që hapi lirimi i Sali Berishës
27 Nëntor, 18:18
-
I dhj….rë , por krenar!
27 Nëntor, 18:05
-
Berisha u lirua nga 'arresti shtëpiak', Haklaj për Report Tv: Bie alibia e tij se drejtësia është e kapur! Anëtarja e FRPD: Vendimi i vonuar, mosbindje civile deri në qeveri teknike
27 Nëntor, 18:01 -
Kreshnik Spahiu: Gjykata e 'Ramës' apo gjykata e pavarur liroi sot shtetasin Berisha?
27 Nëntor, 17:24
-
Kreshnik Spahiu: Gjykata e 'Ramës' apo gjykata e pavarur e liroi shtetasin Berisha?
27 Nëntor, 17:00
-
Abuzimi me 2 tenderët e naftës, GJKKO dënon me 1 vit burg ish-prefektin e Kukësit, Granit Gjana! I konvertohet në 2 vite shërbim prove (Vendimi)
27 Nëntor, 16:32 -
Kërkoi lehtësimin e masës, GJKKO lë përsëri në 'arrest shtëpie' nënkryetarin e Bashkisë Tropojë! Edhe kryebashkiaku Byberi në të njëjtën dosje, 3 akuza (VENDIMI)
27 Nëntor, 16:32 -
Dritan Hila: Më mirë rrugëve!
27 Nëntor, 15:18
