Receta

Gjoks pule me limon dhe erëza shoqëruar me kuskus e spinaq nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 14 Nëntor, 12:28 | Përditesimi: 14 Nëntor, 12:35

Gjoks pule me limon dhe erëza shoqëruar me kuskus

Përbërësit:

500 gr gjoks pule
Lëngu dhe lëvorja e gjysmë limoni
4-5 thelpinj hudhre
1 lç mente e tharë
1 lç kopër
500 gr spinaq
100 gr kuskus
Vaj ulliri
Kripë, piper

Përgatitja:

LEXO EDHE:
Pulë e mbushur nga zonja Albana

Marrim një enë dhe shtojmë hudhrat e grimcuara, limonin dhe të gjitha erëzat. Vendosim gjoksin e pulës mbi tryezën e punës dhe i bëjmë disa vija me thikë së pari në formë horizontale, pastaj në formë vertikale, duke u kujdesur për thellësinë e prerjeve. Më pas mishin e marinojmë me masën e përgatitur dhe e vendosim në një qese për ngrirje dhe e lëmë të marinohet së paku një orë. Pasi mishi të jetë gati, e pastrojmë nga erëzat dhe e skuqim nga të dyja anët për 3-4 minuta me vaj ulliri. Në të njëjtën enë ku është skuqur mishi, skuqim spinaqin për 3-4 minuta duke i shtuar kripën, piperin dhe hudhrën pluhur. Në enë shtojmë kuskusin me pak kripë dhe të njëjtën sasi ujë të vluar, e mbulojmë me qese plastmasi dhe e lëmë të pushojë 3-4 minuta. Në fund mishin e servirim me kuskus dhe spinaq.