POP 5

Lajmet më të lexuara të 5 minutave të fundit

Kultura

Gjuha shqipe në Universitetin e Harvardit, nismëtarja vajzë e një emigranti! Cosoviç: Shqipen e mësova nga prindërit, gjuha duhet ruajtur

Që prej majit të vitit të kaluar, Universiteti i Harvardit në Masaçusets të Shteteve të Bashkuara ka shtuar gjuhën shqipe si pjesë të kurrikulës. Mësimi në gjuhën shqipe filloi këtë semestër në departamentin e Gjuhëve dhe Qytetërimeve të Lindjes së Afërt.

Që prej majit të vitit të kaluar, Universiteti i Harvardit në Masaçusets të Shteteve të Bashkuara ka shtuar gjuhën shqipe si pjesë të kurrikulës. Mësimi në gjuhën shqipe filloi këtë semestër në departamentin e Gjuhëve dhe Qytetërimeve të Lindjes së Afërt.

Një prej nismëtareve të përfshirjes së shqipes në universitetin prestigjioz është Edona Cosoviç, vajza e një emigranti shqiptar nga Mali i Zi. E rritur në Shtetet e Bashkuara, ajo mësoi të fliste shqip nga prindërit, por e kishte të vështirë ta ruante gjuhën pavarësisht dëshirës së saj.

“Kur isha fëmijë, prindërit e mi nuk kishin burime për të na blerë kanalin e televizionit shqiptar”, thotë ajo. “Ne jemi në shkollë gjithë ditën, dëgjojmë televizione amerikane ku gjithçka është anglisht. Edhe ata gjithashtu po përpiqen të mësojnë anglisht sepse punojnë këtu, kështu që ne e humbasim gjuhën shumë shpejt”, tha studentja shqiptare.

Në mars 2022, Cosoviç u interesua për mundësinë e krijimit të një kursi shqip në Harvard. Ajo foli me Eva Stathi Misho, një koordinatore studentore nga Përmeti, e cila u shpreh e gatshme ta ndihmonte.

Para se të vinte në Shtetet e Bashkuara për të studiuar për klasikë në Kolegjin Hellenic në Brookline, Stathi Misho studioi gjuhë dhe letërsi shqipe në Tiranë.

Harvardi është tashmë i vetmi universitet që ofron shqip. Megjithatë, gjuha ka një trashëgimi të gjatë mësimore në Shtetet e Bashkuara. E konsideruar gjerësisht ndër gjuhët më të vështira, shqipja mësohet vetëm në disa institucione të përzgjedhura amerikane, duke përfshirë Universitetin Shtetëror të Arizonës, Universitetin DePaul dhe Kolegjin Mercy në Nju Jork.

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Lexues: 07/04/2023 18:18

    Nuk shkohet ne Harvard per te mesuar gjuhen e prinderve. Cdo metropol i madh ne Amerike duhet te kete nje qender kulturore shqiptare, me natyre laike, ku te ofrohen kurse shqip ne fundjave per femijet dhe niperit e emigranteve. Kaq e thjeshte eshte. Çifutet e bejne prej shekujsh kurse greket dhe aziatiket prej dekadash.

    Përgjigju
    • Gezim: 08/04/2023 15:13

      Plotesisht dakord

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Greqi/ Burri me një çantë me eksploziv, kërcënon se do hedhë në erë Gjykatën e Selanikut (VIDEO)

Greqi/ Burri me një çantë me eksploziv, kërcënon se do hedhë në erë Gjykatën e Selanikut (VIDEO)

18 Dhjetor, 13:59