POP 5

Lajmet më të lexuara të 5 minutave të fundit

Politikë

Bota

Pas vendimit të Gjykatës së Romës, 12 emigrantët lënë kampin e Gjadrit! Anija niset drejt Italisë (VIDEO)

Pas vendimit të Gjykatës së Romës, 12 emigrantët kanë lënë kampin e Gjadrit dhe janë nisur drejt Italisë. Anija e rojës bregdetare italiane mbërriti në Portin e Shëngjinit rreth orës 08:00 dhe u largua në 09:00. 

LEZHË- Pas vendimit të Gjykatës së Romës, 12 emigrantët kanë lënë kampin e Gjadrit dhe janë nisur drejt Italisë. Anija e rojës bregdetare italiane mbërriti në Portin e Shëngjinit rreth orës 08:00 të mëngjesit të sotëm, 18 tetor.

Report Tv solli edhe pamjet e ankorimit, ndërsa emigrantët u transportuan nga Gjadri në Shëngjin me autobus. Më pas ata hipën në anijen italiane dhe u nisën drejt Italisë, siç vendosi Gjykata e Romës.

12 emigrantët nga Bangladeshi dhe Egjipti u kapën më 13 tetor nga Guardia di Finanza dhe që u sollën në Gjadër dy ditë më parë, 16 tetor, pas nisjes së zbatimit të marrëveshjes Itali-Shqipëri. Pasi qëndruan dy ditë në kampin e Gjadrit emigrantët do kthehen në Itali, pas këtij zhvillimi të brendshëm të shtetit italian

Vendimi i mor një ditë më parë18 tetor, nga Gjykata e Romës bazuar në një vendim të Gjykatës Evropiane të Drejtësisë më 4 tetor për azil kërkuesit e vendeve të pasigurta. Duke iu referuar edhe Gjykatës Europiane të Drejtësisë, në vendimin e trupës së gjyqtarëve të Romës thuhet se Egjipti dhe Bangladeshi konsiderohen vende të pasigurta dhe për këtë arsye 12 emigrantët duhet të qëndrojnë në Itali dhe jo në kampe, dhe as nuk mund të lihen të lirë në territorin shqiptar.

“Dy vendet nga vijnë emigrantët, Bangladeshi dhe Egjipti, nuk janë të sigurta edhe në dritën e vendimit të Gjykatës Evropiane të Drejtësisë”, argumentojnë gjyqtarët e Romës. Çka detyron Italinë që ti mbajë ata në qendrat e emigrantëve brenda territorit italian.

Ndërkohë, vendimi i gjykatës në romë ka ndezur politikën në Itali. Kryeminsitrja italiane Gorgia Meloni, reagoi pas vendimit por nuk e komentoi atë. Sipas Melonit, tre parti të opozitës PD, M5S dhe AVS i kanë kërkuar Komisionit Europian nëse synon të hapë një procedurë shkeljeje kundër Italisë për marrëveshjen për flukset migratore me Shqipërinë.

Acarimi i Melonit duket se është më i madh me partitë e opozitës në Itali sesa më vendimin e gjykatës pasi sipas saj këto parti italiane, në fakt po i kërkojnë Evropës të sanksionojë kombin e tyre dhe qytetarët e saj, me qëllimin e vetëm për të sulmuar politikisht qeverinë. Ky sipas Melonit është një turp që nuk mund të mos vihet re.

Rendit zhvillimet sipas orarit:
Ora 09:00
VIDEO/ Do kthehen në Itali, momenti kur emigrantët hipin në anije

12 emigrantët nga Bangladeshi dhe Egjipti lanë kampin në Gjadër dhe hipën në anijen e rojes bregdetare italiane. Ajo do t’i kthejë në Itali, sipas vendimit të Gjykatës së Romës.

Report Tv sjell edhe videon e momentit, ku dallohen emigrantët teksa hipin në anije.

SI.E./Shqiptarja.com

Ora 08:31
VIDEO/Do kthejë 12 emigrantët në Itali, anija ankorohet në Portin e Shëngjinit

 

Anija e rojës bregdetare italiane është ankoruar në Portin e Shëngjinit. Anija do të kthejë në Itali 12 emigrantët nga Egjipti dhe Bangladeshi që u vendosën në Gjadër, pas marrëveshjes mes Italisë dhe Shqipërisë.

Gjykata e Romës vendosi që 12 emigrantët duhet të kthehen në Itali dhe brenda pak orësh në Itali.

SI.E./Shqiptarja.com

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Italian: 19/10/2024 09:03

    Nje loje e piste e Melonit qe e perdori Shqiperine per politike te brendshme te Italise. Normal qe e ka ditur qe eshte marreveshje e kundraligjshme dhe nuk ka per te insistuar sepse nuk jane budallenj ti japin para Rames. Turp per ata parlamentare shqiptare injorante e servila qe e votuan ate marreveshje, turp edhe per gjykaten tone kushtetuse qe u kthyhe ne nje vegel qorre te Rames. Vete Rama ne nje vende normal do kerkonte falje popullit te vet per kete lajthitje te tij. Turp edhe per ata servila te peshtire qe e mbushen mediat me rrena per borxh ndaj Italise e per ndihmen qe po i japim popullit Italiane. Tani ikni hani peshk tek restorantin e Melonit ne Shengjin.

    Përgjigju
    • Or tej: 19/10/2024 09:28

      Cfare ndihme po i japin popullit italian te cilit do i mbahen nga xhepat tij gjithe keto sorollatje te emigranteve sa lart e poshte or teeeejjjjj

  • Sondazhi i ditës:

    E kujt është përgjegjësia për kaosin në Kuvend?

Lajme të tjera



×

Lajmi i fundit

Integrimi/ Rama: Për herë të parë persona me pushtet politik janë në hetim apo të dënuar! S’ka rrugë tjetër përveç ‘martesës’ me BE, po negociojmë kushtet

Integrimi/ Rama: Për herë të parë persona me pushtet politik janë në hetim apo të dënuar! S’ka rrugë tjetër përveç ‘martesës’ me BE, po negociojmë kushtet

19 Tetor, 10:02