POP 5

Lajmet më të lexuara të 5 minutave të fundit

Sport

Gjykata i hapi rrugën Superligës, tre gjigantët e Europës kundër idesë së kompeticionit

Gjykata Evropiane e Drejtësisë vendosi sot se UEFA dhe FIFA nuk mund të monopolizojnë futbollin dhe kështu ideja e një lige të re e quajtur "Superliga" mund të marrë jetë.

Gjykata i hapi rrugën Superligës, tre gjigantët e Europës kundër idesë së kompeticionit

Superliga Evropiane

Gjykata Evropiane e Drejtësisë vendosi sot se UEFA dhe FIFA nuk mund të monopolizojnë futbollin dhe kështu ideja e një lige të re e quajtur "Superliga" mund të marrë jetë.

Dy vite më parë, klube si Juventusi, Barcelona dhe Real Madridi hodhën idenë e një lige me ekipet më të forta, duke sjellë një garë më interesante për tifozët; gjë që nuk u pranua nga UEFA dhe kjo e fundit nisi masat ndëshkuese për klubet "rebele". Megjithë vendimin e Gjykatës Evropiane të Drejtësisë, jo të gjithë "big-ët" e Evropës janë pro idesë.

Klube si Manchester United, Bayer Munich dhe Atletico Madrid kanë reaguar sot dhe tregojnë se janë kundër idesë për një tjetër kompeticion jashtë UEFA-s apo FIFA-s.

Jan Christian Dreesen, drejtor i Bayernit dhe zëvendëskryetar i Shoqatës së Klubeve Evropiane foli kundër idesë së Superligës.

"Ne kemi marrë parasysh vendimin e Gjykatës Evropiane të Drejtësisë. Megjithatë, kjo nuk e ndryshon qëndrimin e FC Bayern dhe ECA se një garë e tillë do të ishte një sulm ndaj rëndësisë së ligave kombëtare dhe strukturës së futbollit evropian. Bundesliga është themeli i FC Bayern, ashtu si të gjitha ligat kombëtare janë themeli i klubeve të tjera evropiane të futbollit. Prandaj është detyra jonë dhe bindja jonë e thellë t’i forcojmë, jo t’i dobësojmë. Ne jemi të përkushtuar edhe në garat evropiane të klubeve nën ombrellën e UEFA-s. Kështu që më lejoni ta bëj shumë të qartë edhe një herë se dera e Superligës mbetet e mbyllur në FC Bayern”, ka thënë Dreesen.

Edhe Man. United e Atletico Madrid kanë reaguar kundër idesë.

“Qëndrimi ynë nuk ka ndryshuar. Ne mbetemi plotësisht të përkushtuar ndaj pjesëmarrjes në garat e UEFA-s dhe bashkëpunimit pozitiv me UEFA-n, Ligën Premier dhe klubet e tjera përmes ECA-s për zhvillimin e vazhdueshëm të lojës evropiane”, thuhet në komunikatën e Unitedit.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu