"Të bashkuar, nuk na ndal asgjë dhe i fusim frikën në palcë Edi Ramës", kjo ka qenë një nga qëndrimet e kreu të PD-së Lulzim Basha, menjëherë pas vendimit të Gjykatës së Elbasanit për të lënë në burg dy drejtuesit e degëve të PD-së në Elbasan të cilët u arrestuan pas protestës së paligjshme të 13 qershorit në Librazhd ku u tentua t'i bllokohej rruga kryeministrit Rama.
Me anë të një deklarate për shtyp Basha ka thënë se vendimi që u dha sot nga Gjykata e Elbasanit ishte një vendim burracakësh dhe u bë burgosje politike, ndërsa nuk ka ngurruar që të sulmojë gjyqtarët dhe Prokurorët e çështjes për hapat që ndërmorën duke thënë se nuk do t'i harrojë.
Më pas kreu i PD në mbyllje të deklaratës ka bërë thirrje mbështetësve për t'ju bashkuar protestës së 21 qershorit.
Kujtojmë se në burg nga Gjykata e Elbasanit u lanë kryetarin e Degës së PD-së në Librazhd, Bujar Vreto; kreun e PD-së në Prrenjas, Arjan Kariqin si dhe për dy prej mbështetësve të PD-së, Bujar Kojku, 54 vjeç, nga Librazhdi dhe Dashamir Boja, 47 vjeç, nga Shtërmeni, Cërrik.
Ndërsa për 3 të arrestuarit e tjerë, ish-deputetin e PD-së, Aurel Bylykbash; sekretarin e PD-së në Librazhd, Erlind Gurra dhe për sekretarin e PD-së në Prrenjas, Leonard Ozuni është dhënë masa e sigurisë 'detyrim paraqitje'.
Ndërkohë në lidhje me këtë protestë po procedohen në gjendje të lirë edhe 16 protestues të tjerë.
Kryetari i opozitës, Lulzim Basha me anë të një deklarate për shtyp ka komentuar vendimin e gjykatës së Elbasanit për të lënë në burg Kryetarin e PD të Librazhdit Bujar Vreto dhe kryetarin e PD të Prrenjasit zotin Arjan Karriqi, si dhe dy protestues të tjerë Dashamir Boja dhe Bujar Kllojku të cilët më 13 qershor u vërsulën për t'i bllokuar rrugën kryeministrit Rama në hyrje të Librazhdit.
Basha ka hedhur akuza të drejtpërdrejta ndaj kryeministrit Rama duke thënë se ai ka urdhëruar procëesin gjyqësor duke u premtuar gjykatësve dhe prokurorvë se do t'u kalojë Vettingun.
Më pas kreu i Partisë Demokratike ka hedhur akuza ndaj kryeministrit duke thënë se ky i fundit po nxit urrejtje dhe përplasje mes militantrëve të partive. Në fund Basha shton se opozita nuk do të bëjë asnjë centimetër pas në rrugën që ka nisur.
Fjala e plotë e kreut të PD-së:
" Vendim burracak i Edi Ramës. Nuk frikësohemi. Prokuroria dhe gjykata e Elbasanit vendosi sot, të mbajë në burg Kryetarin e PD të Librazhdit zotin Bujar Vreto dhe kryetarin e PD të Prrenjasit zotin Arjan Karriqi, si dhe dy qytetarë të tjerë zotin Dashamir Boja dhe zotin Bujar Kllojku. Krimi i tyre është se kanë protestuar në buzë të rrugës ku kaloi Edi Rama. Është vendim burracakësh i gjyqtarëve dhe prokurorëve të korruptuar të Edi Ramës. Është represion ndaj kundërshtarëve politikë i urdhëruar direkt nga Edi Rama. Qëllimi është vetëm një: persekutimi dhe trembja e kundërshtarëve politikë për të shuar protestën dhe përpjekjet kundër qeverisjes së kriminalizuar të Edi Ramës. Duke shprehur solidaritetin tim për familjet e katër demokratëve të arrestuar që nuk do i kenë prindërit dhe bashkëshortët në shtëpi sot, dua ti drejtohem Edi Ramës dhe klanit të tij kriminal në qeveri: Opozita nuk frikësohet. Opozita nuk trembet. Opozita nuk tërhiqet. Unë, të gjithë demokratët në çdo cep të Shqipërisë dhe të gjithë qytetarët e bashkua do ta luftojmë këtë qeveri kriminale derisa Edi Rama dhe kriminelët e tij të dalin para drejtësisë së vërtetë. Dua t’u drejtohem, gjithashtu, të gjithë policëve, prokurorëve dhe gjyqtarëve të Elbasanit, të cilët sot vendosën të mbajnë të burgosur politikë njerëz të pafajshëm, ndërkohë që kanë vite që tolerojnë dhe mbrojnë krimet e Qazim Sejdinit dhe të bandave të Elbasanit: Ju e dini shumë mirë se çfarë është ligji dhe drejtësia! Ju e dini shumë mirë se është kriminale që një prokuror dhe gjyqtar të braktisë ligjin dhe interesin publik për t’i shërbyer politikës dhe krimit. Ju e dini, edhe ne e dimë. Të gjithë njerëzit e dinë. Edi Rama mund t’ju ketë premtuar se do t’jua falë korrupsionin dhe shkeljet ligjore. Edi Rama mund t’ju ketë premtuar se do ta kaloni vettingun. Kurse unë dua t’ju premtoj se shpejt do ta shoqëroni Edi Ramën përpara drejtësisë. Prokurori dhe gjykatësi i korruptuar është funksionari më i rrezikshëm në shoqëri. As njerëzit dhe as unë nuk do ta harrojnë dhe tolerojmë krimin dhe korrupsionin tuaj. Edi Rama nxit vëllavrasjen për të ruajtur pushtetin e kriminalizuar. Tani e gjithë bota po zbulon më në fund Edi Ramën e vërtetë: një të inkriminuar pa ndjenja, i cili për para dhe karrige nuk ndalet para asgjëje. Një megalloman diaabolik që nuk njeh as familje, as shoqëri, as popull, as atdhe. Tani që e ka kuptuar se u zbulua, dhe se pushtetin nuk e mban dot më me blerje zgjedhjesh dhe propagandë, Edi Rama ka vendosur ta mbajë atë me dhunë. Pasi asgjësoi gjykatat dhe vuri nën kontroll të plotë prokurorinë, ai ka disa muaj që ushtron dhunë sistematike kundër opozitës dhe qytetarëve. Mbi 500 qytetarë janë ndaluar gjatë 5 muajve të fundit. Mbi 50 qytetarë janë arrestuar. Me dhjetëra gazetarë janë dhunuar në krye të detyrës. Me mijëra qytetarë janë sulmuar me gaz lotsjellës dhe mjete të forta nga policia. Por dhuna e tij dështoi. Njerëzit nuk u frikësuan. Protestat u bënë përherë e më të mëdha! Në protestën e fundit ka patur qytetarë pa asnjë lidhje me partitë e opozitës aq sa nuk ka patur kurrë më parë. Protestat tona tani janë protesta të mëdha popullore, protesta të njerëzve që nuk pajtohen më me krimin dhe korrupsionin që po shkatërron jetët e njerëzve. Kjo e ka trembur dhe e ka futur në panik Edi Ramën. Prandaj, tani ai ka vendosur të zbatojë një plan të rrezikshëm, për nxitjen e ndarjeve dhe përplasjeve sociale në Shqipëri. Edi Rama tani po kërkon të nxisë dhunë masive në Shqipëri, ai po kërkon të nxisë përplasje mes qytetarëve, po kërkon të nxisë luftë mes militantëve të ndryshëm politikë, po kërkon të nxisë vëllavrasjen mes shqiptarëve. Për këtë qëllim, ai po përdor policinë, prokurorinë, gjykatat dhe mercenarët e tij në media, për të krijuar ngjarje që provokojnë, që ndezin emocionet, që nxisin revoltim dhe reagime publike. Këtë qëllim kanë arrestimet e fundit të drejtuesve të PD. Këtë qëllim kanë përplasjet e policisë me qytetarët protestues. Këtë qëllim ka vazhdimi i një fushate të paligjshme. Këtë qëllim ka retorika e djegies, përmbysjes dhe e dhunës. Motoja e Edi Ramës tani është: Çdo gjë të sakrifikohet, çdo gjë të shkretohet vetëm që ai ai të ruajë karriken dhe milionat e tij. Është një plan i dëshpëruar që do sjellë fundin e tij, dhe ne nuk do lejojmë që fundi i Edi Ramës të arrihet me kosto për Shqipërinë. Ndaj dua t’u bëj thirrje së pari të gjithë atyre që e ndjekin verbërisht nga pas në këtë aventurë, që të mos bëhen kurban i Edi Ramës. U bëj thirrje veçanërisht punonjësve të institucioneve ligjzbatuese: refuzoni të bëheni vegla të verbra për të shkelur ligjin, për të dhunuar popullin dhe për të kryer krime në emër të Edi Ramës. Ne nuk do të na thyeni dot, Ne nuk do na lëvizni dot asnjë centimetër. Me 21 Qershor të bashkuar për Shqipërinë si gjithë Europa! Asnjë hap pas! Ju bëj thirrje të gjithë demokratëve dhe të gjithë qytetarëve që të vazhdojnë të jenë kurajozë dhe të bashkuar si deri më sot. Ne jemi të fortë. Ne jemi të vendosur. Ne kemi të drejtën me vete. Do të protestojmë, do të qëndrojmë deri në fitore. Të bashkuar, nuk na ndal asgjë dhe i fusim frikën në palcë Edi Ramës dhe mercenarëve të tij. Ftoj të gjithë qytetarët që të na bashkohen në protestën e të premtes së ardhshme. Forca jonë është e pathyeshme sepse ne jemi shumica, sepse ne jemi e drejta, sepse ne jemi e vërteta. Ne luftojmë për të ardhmen e fëmijëve tanë, kurse ata janë zvarranikë që luftojnë për karriken që kanë marrë duke ju vjedhur votën, paratë, pronat dhe mundësitë. Tani është koha t’i merrni ato mbrapsht. Asnjë hap pas, deri në fitoren e afërt të betejës tonë për Shqipërinë si gjithë Europa."
Gjykata Elbasanit la në burg 4 nga 7 drejtuesit e Partisë Demokratike në qarkun e Elbasanit të cilët u arrestuan pasi më datë 13 qershor qëlluan eskortën e kryeministrit Rama me sende të forta, ndërsa tentuan që ti bllokojnë hyrjen në qytetin e Librazhdit. Edmond Spaho akuzoi Ramën, ndërsa kryeministri iu përgjigj nga Pogradeci, aty që tentuan ti bllokojne rrugen atje, por edhe ish-kreut te grupit te PD-se.
"Kush janë këta djali i Faros me shokun e Gridës, dhe ata që dolën atje në Librazhd me ca njerëz të lodhur? Ata në Librazhd që sot morën dënimin me burg, nuk i nxori atje as babai as mamaja, as halli i familjes, por ata që vijojnë që të flenë në shtëpitë e tyre. Pashë profesorin tim të dashur, Spahon që thoshte janë të burgosur politikë. Ai shkoi i nxori në rrugë dhe vetë shkon në shtëpi, ndërsa ata jo, pasi i kapi neni i pengimit të zgjedhjeve 1-5 vite burg.
Po a bëhet burg për profesor Spahon? Dhe ai thotë janë të burgosur politikë dhe kur të vijmë në pushtet do i shpërblejmë, këta kanë ikur të gjithë. E patë Neritan Cekën që kishte ikur, doli nga filxhani si xhind. Mirë u çmendën, por pse të gjithë bashkë?!" tha ai.
Ish-deputeti i PD për Elbasanin Edmond Spaho, ka reaguar menjëherë pas vendimit të gjykatës së Elbasanit për të lënë në burg dy drejtuesit e PD-së në këtë qark, Bujar Vreto dhe Bujar Kojku.
Spaho e konsideron vendimin e Gjykatës si një burgosje politike, madje ai thotë se kushdo që brugoset nga protestat e PD-së do të trajtohet si i burgosur politik dhe do të marrë edhe shpërblim.
"Gjyqë fars. I zhvilluar sipas urdhrave nga Edi Rama. Kujtojnë se me vendime të tilla do të trembin opozitën. Por ai kështu do të na ketë edhe në të gjithë Shqipërinë kudo që shkon Edi Rama për ta kundërshtuar dhe për ta detyruar të japi dorëheqjen. E kemi thënë se të gjithë këta që futen në burg për shkak të protestë do të trajtohen si të burgosur politik dhe do të marrin të gjithë mbrojtjen dhe privilegjet që u siguron ligji për të burgosurit politik. Dëshiroj të them që ne si opozitë kemi mbajtur shënim emrin e komisarit të Polciisë, Bedri Hasanaj si dhe emrin e prokurorit Ridvan Sukaj,. Ka ardhur koha që gjyqet politke të marrin fund dhe at do mbajnë përgjegjësi. Ata do të vijë dita që do të përgjigjen për veprimet që bëjnë sot. Ky është gjykatësi i parë që mban në burg drejtues të një force politke." ka deklaruar Spaho.
Komente
Lajme të tjera
-
Aksident në aksin Librazhd- Përrenjas, makina bie në pusetë! Plagosen 3 persona (VIDEO)
14 Nëntor, 21:17 -
Aksident në aksin Librazhd-Prrenjas/ Makina përplaset me kamionin, shkak dyshohet lagështia në rrugë
14 Nëntor, 15:38 -
Zhvillohet turizmi malor në Fushë-Studen të Librazhdit! Fshati piktoresk, në mes të Parkut Kombëtar Shebenik-Jabllanicë
13 Tetor, 19:15
-
Aksident në aksin rrugor ‘Prrenjas-Librazhd’! Makinat përplasen me njëra tjetrën, 1 i plagosur
10 Tetor, 18:14 -
Librazhd/ Nuk gjen treg as patatja 'e famshme' e Stëblevës, shkak importi! Fermerët: Nuk ia vlen barra qiranë
8 Tetor, 18:01
-
'Veri Jug' në Librazhd te delet e racës ilire' Çifti i fermerëve përpunojnë qumështin në mënyrë artizanale!
29 Shtator, 17:51
-
Festa e mjaltit në Librazhd, fermerët ekspozojnë prodhimet! Nuk mungon festa me valle popullore
22 Shtator, 18:14
-
Shkolla ‘Muhedin Sherifi’ në Librazhd, Rama: Klasa moderne dhe kushte bashkëkohore për nxënësit dhe mësuesit
16 Shtator, 08:11 -
‘Çmendet’ moti, Elbasani goditet nga stuhia e breshërit! Shkakton dëme të mëdha në bujqësi (VIDEO)
3 Shtator, 22:22 -
VIDEO/ Shirat përmbytin Librazhdin, makinat ngecin në rrugë! Qytetarët i japin një të shtyrë automjetit
28 Gusht, 21:10 -
Doni të shikoni shiun e meteorëve? Parku Kombëtar i Shebenikut në Librazhd vendi ideal (VIDEO)
17 Gusht, 09:03 -
Protesta e banorëve në aksin rrugor Librazhd-Elbasan, policia procedon 5 persona
1 Gusht, 15:38
O lyl ta ka mbledh keq litarin Amerika ske nga e lu bythën. Boje gati sumatriçen ata agallarët mrena mezi po presin që mren ta tresin. Hajt paç komën e mar o lyli gomar.
PërgjigjuIk o pall se na cave trrapin o legen o vrases do na e rruash te gjitheve me emrat shenim. Ik nje ore e me pare se e hangre karpushinin ne goje.
PërgjigjuPo o hajvan po mbani shenim emrat se leksion shteti po jepni me cilin ligj do i demshoerblesh me ate per te burgosurit ne komunizem? Lexoje objektin o mashtrusa po si genjen burre ne moshe i nxirni mish per top i coni burgjeve se ligjin e dini shume mire dhe ge jeni se do i demshperbleni. Turp e faqe zeze ku e katandiset opoziten.
Përgjigju