POP 5

Lajmet më të lexuara të 5 minutave të fundit

Kronikë

Gjykata la të lirë Gjutën për 
tentativë vrasje, Tahiri iu ankua KLD-së

Vladimir Gjuta për të cilin Prokuroria e Krimeve të Rënda ka dyshime se është i përfshirë në atentatet terroriste të 10 shkurtit ndaj familjes së ministrit Tahiri, është një emër i njohur për policinë dhe gjyqësorin. Në 2013 Gjykata e Kukësit e liroi kur ai dyshohej për vrasje, ndërsa asokohe ministri Tahiri do të ankohej tek presidentit në cilësinë e kreut të KLD-së për vendimet e gjyqësorit që u jepte liri personave me precedent penal.  VIDEO
Gjykata la të lirë Gjutën për <br />tentativë vrasje, Tahiri iu ankua KLD-së
TIRANE - Në vitin 2013 Gjykata e Shkallës së Parë në Kukës pas arrestimit të Vladimir Gjutës nën akuzë për vrasjen në rrethana cilësuese të më shumë se dy personave mbetur në tentativë, do t’i jepte atij lirinë duke ndryshuar masën nga “arrest me burg” në “arrest shtëpie”.

Asokohe Gjuta sëbashku me Baftjar Brukën u prangosën pasi tentuan të vrisnin Ardian Trotën, Besnik Axhamin e Osman Vokën por në seancë masa ndryshoi dhe ata u lanë të lirë.

Me një listë të gjatë të vendimeve të gjykatave që kishin liruar apo falur persona me precedent penal ministri i Brendshëm Saimir Tahiri do t’i drejtohej presidentit Nishani më 18 prill të vitit 2014 duke kërkuar që në cilësinë e kreut të Këshillat të Lartë të Drejtësisë të merrte masa ndaj gjyqtarëve.

Në një faksimile të vendimeve të radhitura na ministri, A1 Report veçon:

Më datë 27.06.2013, janë tentuar të vriten me armë zjarri, shtetasit Ardian Trota, Besnik Axhami e Osman Voka Lidhur me këtë ngjarje, janë arrestuar nga ana e policisë lokale, në bashkëpunim dhe me Drejtorinë e Policisë së Qarkut Tiranë, të dyshuarit Vladimir Ferit Gjuta dhe Baftjar Qemal Bruka, për veprën penale të “Vrasjes në rrethana cilësuese të më shumë se dy personave, të mbetur në tentativë”. Gjykata e Shkallës së Parë Kukës, caktoi masë sigurie “detyrim paraqitje” për shtetasin Vladimir Ferit Gjuta dhe “arrest në shtëpi” per shtetasin Baftjar Qemal Bruka. Vendimi i Gjykatës së shkallës së parë, Kukës është ankimuar nga Prokuroria dhe Gjykata e Apelit, Shkodër ka caktuar masë sigurimi “arrest në burg” por arrestimi i këtyre shtetasve nuk është bërë akoma pasi aktualisht janë të shpallur në kërkim. 

Vladimir Gjuta aktualisht është i shpallur në kërkim pasi Prokuroria e Krimeve të Rënda e akuzon si të përfshirë në atentatet terroriste të 10 shkurtit në kryeqytet, ku ndaj biznesit të babait të Ministrit të Brendshëm Saimir Tahiri u vendos tritol, shpërthimi i të cili shkaktoi dëme të konsiderueshme materiale.

Redaksia Online
(Gre.M/Shqiptarja.com)

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46