POP 5

Lajmet më të lexuara të 5 minutave të fundit

Sport

Gjykimi, Tirana ‘kërcënon’
Dukën: S’do rrimë duarkryq

Humbja përballë Partizanit në derbi nuk është kapërdirë nga Tirana që i ka nisur një letër të hapur presidentit të FSHF, Armando Duka duke kërkuar llogari për këtë sjellje ndaj bardhebluve.
Humbja përballë Partizanit në derbi nuk është kapërdirë nga Tirana që i ka nisur një letër të hapur presidentit të FSHF, Armando Duka duke kërkuar llogari për këtë sjellje ndaj bardhebluve, sipas tyre me qëllim. 24 herë kampionët e vendit përmes letrës kërkojnë shpjegime për arbitrimin në derbi, që sipas tyre nuk ishte i drejtë.

‘Ndeshja ndaj Partizanit ishte e radhës nga seria e atyre ku ndaj nesh kryhen haptazi akte anti sportive. Gjithnjë kemi qenë pararojë për një futboll të ndershëm dhe të pastër. Gjithnjë kemi respektuar futbollin dhe aktorët e tij, por përpara një cikli të pambarimtë padrejtësish nuk mund të mbetemi duarkryq e jo reagues” thuhet në letër për ndeshjen derbi ku Tirana pretendoi edhe një penallti.

Letra më pas vazhdon me padrejtësitë sipas Tiranës që i janë bërë në ndeshjet e tjera. “Arbitrimi jo korrekt në ndeshjen me Skënderbeun u pa në optikën e gabimit njerëzor dhe u anashkalua, e njëta gjë u pa nga ana jonë për ndeshjen me Teutën. Ndërsa për arbitrimin përballë ekipit të Kastriotit nga Sino mund të themi se ishte kriminal, i tupshëm dhe tendecioz duke penguar fitoren e Tiranës”. Tani pritet edhe përgjigja e FSHF, teksa Tirana këtë edicion nuk po gjen qetësi, pasi renditet në zonën e ftohtë të tabelës.

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Përplasen dy trena në Bullgari, 2 persona humbin jetën dhe 6 të tjerë plagosen

Përplasen dy trena në Bullgari, 2 persona humbin jetën dhe 6 të tjerë plagosen

15 Janar, 22:55