POP 5

Lajmet më të lexuara të 5 minutave të fundit

Kronikë

Gjyqi Gashi-Marku, në 8 mars
vendimi nga Administrativja

Në datë 8 mars do të jepet vendimi nga Gjykata Administrative për padinë e Rovena Gashit kundër Arta Markut, pasi Kryeprokurorja e shkarkoi nga detyra vetëm pak ditë pasi u zgjodh nga Kuvendi i Shqipërisë në 18 dhjetor.  VIDEO
TIRANE-Në datë 8 mars do të jepet vendimi nga Gjykata Administrative për padinë e Rovena Gashit kundër Arta Markut, pasi Kryeprokurorja e shkarkoi nga detyra vetëm pak ditë pasi u zgjodh nga Kuvendi i Shqipërisë në 18 dhjetor. Në seancën e sotme u paraqitën konkluzionet nga të dy palët. Avokati i Rovena Gashit, Çlirim Gjata ka deklaruar se shkarkimi nga Marku është bërë pa motivacion.  “Urdhri për lirimin nga detyra e Rovena Gashit nuk ka motivacion.Urdhri për lirimin nga drejtore e dekriminalizimit është nxjerrë jashtë kompetencës, i pa mbështetur në ligj dhe pa motivacion. Prokurori i përgjithshëm i përkohshëm si ka këto kompetenca. Arta Marku nuk kishte miratuar strukturë të re. Gjithcka ishte sipas strukturës që kishte lënë Llalla. Procedimet disiplinore i bën Inspektorati i Lartë i Drejtësisë” deklaroi ai.

 

Ndërsa përfaqësuesja e Arta Markut në gjyq, Pranvera Gruda u shpreh se Gashi u emërua në shkelje të ligjit, pasi nuk kishte 12 vite eksperiencë. “Rovena Gashi është emëruar si prokurore në prokurorinë e Përgjithshme në shkelje ligjore pa pasur 12 vite eksperiencë. Gashi shkeli etikën prandaj u shkarkua si drejtuese e Dekriminalizimit. Gashi anashkaloi me vetëdije Arta Markun.

Të rrëzohet padia e Rovena Gashit” ishin konkluzionet e Grudës në një faqe. Por në përfundim të seancës gjyqësore, Çlirim Gjata tha se arsyeja që iu drejtua KQZ pa lejen e Markut për të kërkuar heqjen e mandateve për dy deputetë nuk është arsye për ta shkarkuar nga detyra. “Ajo duhet vlerësuar se dy deputetët u hoqën dhe për këtë duhet vlerësuar”. Ndërsa duke u ndalur te emërimi dhe vitet e eksperiencës, Gjata tha se “Po tani pas 5 vitesh kujtohen? Emërimi ka qenë me dekret. Një herë thotë u hoq për strukturë, tani thonë për eksperiencë. Ky është mjerim profesional’ deklaroi ai.marku
Përfaqësuesja e Prokurores Arta Mrku

gjata
Përfaqësuesi i Rovena Gashit

d.b/shqiptarja.com

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03