TIRANE- Tashmë gjyqi ndaj Fatmir Mediut, ish ministri i Mbrojtjes në kohën kur ndodhi shpërthimi në punishten e demontimit të municioneve në Gërdec ka hyrë në fazën e pyetjes së dëshmitarëve.
GJKKO ka pranuar që të thërrasë 71 dëshmitarët e SPAK mes tyre dhe djali i ish kryeministrit, Shkëlzen Berisha si dhe një numër të madh të dëshmitarëve të palës mbrojtjëse. Por në listën e fundit ka përjashtuar disa personalitete të huaja pasi dëshmia e tyre nuk do të ndikonte në gjykim.
Në një intervistë për Report Tv Dorian Matlija, avokati që përfaqëson familjet e viktimave të tragjedisë së Gërdecit, vë theksin tek zbardhja jo vetëm e rolit të Fatmir Mediut por dhe të gjithë përgjegjësve në këtë ngjarje që u mori jetën 26 viktimave të pafajshme dhe qindra u plagosën.
“Dokumentet shkresore kanë zbardhur rolin e Fatmir Mediut. Dëshmitarët që mund të thërrasin mund të zbardhin detaje pikantet e kësaj historie. Ata dinë lidhjet si funksionoi, kush bëri biznes. Do të ishte mirë të zbardhet e gjithë ngjarja jo vetëm roli i ministrit” thotë Matlija për Report TV
Një nga personat e thirrur është dhe Shkëlzen Berisha. Avokati Matlija në intervistën për emisionin “Sot live në Shqipëri’ thotë se do të ishte e nevojshme që gjatë gjyqit të dëgjoheshin dëshmitarë të cilët do të zbardhin rolin e djalit të ish kryeministrit Sali Berisha.
“Atë e ka thirrur prokuroria. Sipas prokurorisë ai mund të mendohet që të ketë lidhje me ndikimet që mund të ketë bërë në atë kohë qoftë me ministrin e Mbrojtjes së asaj kohe qoftë me funksionarë të lartë ushtarakë. Në lidhje me këtë funksion do të ishte me interes të dëgjonim dhe dëshmitarë të tjerë që mund të kenë pretenduar që e kanë takuar. Mund të kujtojmë që këta dy persona (Efraim Diveroli, David Packouz) dhe një gazetar i huaj dikur u paditën në gjykatën në Florida se thanë që e kanë takuar. Gjyqi u mbyll në SHBA dhe duket që gjykata u dha të drejtë gazetarit dhe personave se çfarë dëshmonin. Nuk është e pamundur që këta persona të thirren në një moment tjetër. Gjykata apo prokuroria sipas ngjarjeve që zhvillohen në gjykim mund ta shohin të nevojshme ti thërrasin këta persona" thotë Matlija.
Jo vetëm kaq me rëndësi është që të hidhet dritë për të gjithë përgjegjësit
“Kjo nuk është një ngjarje që ka marrë pjesë vetëm Fatmir Mediu por shumë persona. Shumë persona kanë dijeni për të zbardhur ngjarjen. Vërtet ka kaluar shumë kohë por ka një të mirë se njerëzit mund të mos ndihen nën efektin e presionit që kanë pasur në atë kohë. Ka mundësi të zbardhet të paktën një pjesë e mirë e asaj ngjarjeje. Pjesa që rëndon më shumë tek familjarët veç faktit që kanë humbur njerëzit e tyre është se ende nuk e dinë se çfarë u ndodhi dhe deri ku shkon zinxhiri i fajësisë. Ata nuk e kanë të adresuar çështjen e tyre vetëm tek ish ministri, por dhe nëse ka persona të tjerë pse jo të vendosen para drejtësisë" nënvizon Matlija.
A duhej të ishte thirrur presidenti i asaj kohe Bamir Topi dhe ish kryeministri Sali Berisha?
Raportet e mbledhjeve janë në dosje. Roli i secilit është zbardhur me shkresa, dhe dëshmitarët janë për të dhënë detaje që nuk janë me shkresa. Nuk është e domososhme të thirret presidenti apo ish kryeministri por përsa kohë pala mbrojtëse kërkoi që të thërrasë shefin e SHISh dhe të Ushtrisë, atëherë patjetër do të lindë nevoja të thirren persona që kanë marrë raportet prej tyre. Pra nëse SHISH i ka dhënë informacion dikujt nuk duhet pyetur vetëm ai por dhe personi që ka marrë informacionin që është presidenti apo kryeministri. Apo nëse do të pyeten ministrat rreth rolit që kanë pasur duhet pyetur dhe kryeministri që ka firmosur VKM mbi të cilin është bazuar procesi. Nëse mbrojtja insiston atëherë duhet të thirren të gjithë. Ne duam që procesi të mos zgjatet shumë. Nëse mbrojtja do të insistojë ta zgjasë do të shkojë dhe drejt thirrjes së këtyre personave pasi do të ruhet standardi.”
GJKKO nuk pranoi listën e dëshmitarëve të familjeve të viktimave të cilat janë palë në proces. Këtë Matlija e quan një hap prapa për gjykatën këtë vendim por se ata nuk do të ndalen.
“Shqetësuese është fakti që gjykata nuk pranoi idenë që të thërrasim ne dëshmitarë. Kjo bie ndesh me të drejtat e standardet e njeriut që thotë qartë se këtë të drejtë duhet ta kenë dhe viktimat. Ky është hap prapa në proces por ne nuk do të ndalemi. Ne do të pyesim dëshmitarët e thirrur nga prokuroria por dhe nga pala mbrojtëse” tha Matlija për gazetarin Nertil Agalliu.
Sipas listës të dorëzuar nga prokurorët e çështjes në seancën e ardhshme më 18 tetor fillimisht do te pyetjen 15 dëshmitarët e pare, që janë nga kyesisht familjaret e viktimave të tragjedisë ose personat që janë dëmtuar prej saj, nisur nga Zamira e Feruzan Durda.
Gjykata përcaktoi se procesi për ish Ministrin e Mbrojtjes do te zhvillohet çdo të enjte ora 09:00. Në listën e dëshmitarëve të SPAk është edhe ish-shefi i shtabit Luan Hoxha i larguar nga Shqipëria që prej vitit 2012.
Intervista e plotë
Në një intervistë për Report Tv, avokati i familjeve të viktimave të tragjedisë së Gërdecit zbulon një detaj të pathënë.
Matlija zbulon se dosja e Gërdecit përbëhet nga 26 mijë faqe dhe se pjesë e saj mund të jetë dhe procesverbali i këshillit të sigurisë kombëtare të mbledhur nga presidenti i atëhershëm Bamir Topi një javë pas tragjedisë. Por dhe nëse nuk është pjesë e dosjes, Matlija thotë se mund të administrohet lehtë.
“Prokuroria i ka. Ka ekspertiza të ndryshme dhe raporte të ndryshme. Dosja është 26 mijë faqe dhe gjindet çdo gjë me vlerë për gjykimin. Dëshmitarët të thirren ata që do të dëshmojnë gjëra relevante për procesin. Shërbimet dhe çfarë kanë qenë raporte janë në dosje ose janë të gjindshme nëse mungon gjë”
Çfarë përmban procesverbali i 21 marsit 2008?
Procesverbali mban datën 21 mars 2008 dhe ka për objekt “Analizën e ngjarjes së Gërdecit, masat e marra dhe parandalimi i krizave të tilla në të ardhmen”. Ky procesverbal gjendet lehtësisht në arkivën e Presidencës.
Në këtë mbledhje presidenti Topi kërkoi zbardhjen e fajtorëve dhe përgjegjësve me emër dhe mbimër, si dhe një hetim serioz, rigoroz dhe transparent për atë ngjarje të paprecendetë. I bëri thirrje Prokurorisë së Përgjithshme të zhvillojë hetime të pavarura nga politika dhe kërkoi që autoritetet përkatëse të marrin përgjegjësitë e veta politike dhe ligjore.
Dëshmitë e të gjithë pjesëmarrësve do të ishin mjaft të vlefshme për gjykatën dhe hetimet në fazën e procesit gjyqësor ku ndodhen momentalisht.Vite më vonë Bamir Topi pat treguar më vonë se në atë mbledhje ka pasur debat të fortë ku dukej qartë një mungesë e zbatimit të ligjit nga një pjesë e mirë e institucioneve që lidhen me informacionin dhe sigurisë. Madje, dyshohet prej kohësh që debati në atë mbledhje që shkaktoi edhe përplasje midis Fatmir Mediut dhe Shefit të Shtabit Luan Hoxha, ishte një nga shkaqet e krisjes midis Sali Berishës dhe Bamir Topit.
Lajme të tjera
-
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Mero Baze: Mesazhi i Berishës, nga ‘gjyqi’ i sajuar kundër Ivi Kasos
22 Nëntor, 19:24
-
'Studio Live'/ Vendimi i GJK për Berishën, Haklaj: E quajti arrestimin të ligjshëm, unanim 8-0! Meta humbi burrërinë, kërkoi pasaportën! Faik Basha: Është më i frymëzuar se kurrë
22 Nëntor, 18:01 -
Ylli Pata: Pse shpërtheu bomba në PD pas vendimit të Kushtetueses
22 Nëntor, 17:58
-
Partia Popullore Europiane 'godet' Sali Berishën, nuk kërkon lirimin e tij! Rezolutë për Shqipërinë, mbështet vijimin e reformave
22 Nëntor, 13:35 -
Pse priti deri në fund Berisha, çfarë shpresonte?
22 Nëntor, 13:08
