Gjyqi i Metës, Rama: Berisha
paralajmëroi mbylljen |

TIRANE-  Tre ditë para se Gjykata e Lartë të japë vendimin ndaj ish zv kryeministrit, Ilir Meta mbi akuzat për korrupsion aktiv, Kryetari i Partisë Socialiste akuzon kryeministrin se po bën presion mbi gjyqtarët  për të arkivuar dosjen. Rama deklaroi se takimi i kryeministrit Berisha me ish-zv.kryeministrin Ilir Meta, zhvilluar mbrëmë në shtëpinë e këtij të fundit, është një “kërcënim” për sistemin e drejtësisë.

RAMA: BERISHA PARALAJMEROI ARKIVIMIN E DOSJES META
Sipas kreut socialist  kryeministri që në fillim të këtij viti ka dëshmuar hapur egërsinë e pushtetit ekzekutiv ndaj gjyqësorit. “Në daljen e parë të këtij viti kryeministri dëshmoi hapur presionin. Ai ka goditur me një gjuhë mafioze prokurorinë dhe ka paralajmëruar arkivimin e cështjes Meta duke dhënë provën e radhës së korrupsionit në qeveri”- nënvizoi Rama.

RAMA MBLEDH GRUPIN PS, OBJEKTIV I 2012: INTEGRIMI I SHQIPERISE
Kryetari i Partisë Socialiste mblodhi sot për herë të parë këtë vit, Grupin Parlamentar Socialist, axhenda e të cilit ka në boshtin e vet kontributin për modernizimin e shtetit, demokratizimin e institucioneve dhe përshpejtimin e integrimit dhe akuzoi kryeministrit se ka dëshmuar hapur
egërsinë e pushtetit ekzekutiv ndaj gjyqësorit. 
Sipas Ramës “100 vjetori e gjen shtetin shqiptar pa shtet në shërbim të qytetarëve, pa pushtet gjyqësor në mbrotjje të lirive të të drejtave private dhe publike.” dhe objektivi i PS-së është të bëjmë më të mirën që mundemi për ti dhënë statusin e kandidatit të BE, dhe perspektivën e qartë të integrimit. "Do mbajmë deri në fund peshën e përgjegjësisë dhe të mos lejojmë dëshmitin e marrjes së statusit”- nënvizoi Rama.

REFORMA ZGJEDHORE, RAMA: TE RISHIKOHET DOMOSDOSHMERISHT SISTEMI
Rama i bëri apel kryeministrit Berisha të mbajë premtimin e dhënë se do të pranojë çdo propozim të opozitës për reformën zgjedhore. Sipas Ramës reforma zgjedhore duhet të adresojë domosdoshmërishit rishikimin e sistemit, jo domosdoshmërisht me ndryshime në Kushtetutë.

“Duam reformë zgjedhore brenda afati të përcaktuar. Të adresojë të gjitha rekomandimet e OSBE, të zgjidhet problemi i listave të zgjedhjeve, verifikimit të zgjedhësve, administratës së zgjedhjeve, dhe KQZ të mos jetë bandë qeveritare. Reforma zgjedhore të adresojë domosdoshmërinë e rishikimit të sistemit. Nënkuptoj përmirësimin e tij dhe jo domosdoshmërisht ndryshimet në Kushtetutë.”
Ai shtoi se PS do vazhdojë instensivisht punën për miratimin e ligjeve që kërkojnë 2/3.“Do japim votën tonë duke kërkuar që ato të kalojnë në kuvend përmes transparences” – tha Rama.

PS: BERISHA TE NDRYSHOJE VKM, NE ZYRAT E SHTETIT TE JETE FOTOJA E ISMAIL QEMALIT
PS do kontribuojë dhe për festimet e 100 vjetorit. Plani do të bëhet public në ditët në vijim ndërsa I kërkoi kryeministrit “Të ndryshojë VKM që përcakton se fotografia e Presdientit të vendoset në cdo zyrë dhe të vendoset një herë e mirë portreti i themeluesit Ismail Qemali”

TAG:
• kqz
• OSBE