Receta

Gliko rrushi nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 19 Shtator, 11:51 | Përditesimi: 19 Shtator, 11:54

Gliko rrushi

Përbërësit:

1 kg rrush
1 kg sheqer
1 gotë e ½ ujë
Gjethe barbaroze
Lëngu i një gjysmë limoni

Përgatitja:

LEXO EDHE:
Pulë me oriz në furrë nga zonja Albana

Për të bërë gliko rrushi duhet të kemi rrush kokërrmadh pa fara. Nëse nuk kemi rrush pa fara, farat i heqim me anën e një shtize. Kokrrave të rrushit u hiqet bishti, lahen e kullohen dhe i lëmë në një enë me ujë të përvëluar. Pas 2-3 minutave i kullojmë dhe lëngun e ruajmë për shërbetin. Në një tenxhere me fund të gjerë hedhim sheqerin, shtojmë lëngun ku u përvëlua rrushi (1 gotë e gjysmë) dhe i lëmë të ziejnë për 10 minuta pasi ka arritur pikën e vlimit. Më pas hidhet rrushi dhe gjethet e barbarozës. I përziejmë me shërbetin dhe e heqim tenxheren nga zjarri. E lëmë në qetësi për 4-5 orë. Sërish e vëmë tenxheren në zjarr të ngadaltë dhe e lëmë të ziejë për 8-10 minuta. Këtë proces e përsërisim 2-3 herë derisa derisa shërbeti të trashet. 5 minuta para se ta heqim do të hedhim lëng limoni. Si zakonisht, glikonë nuk e lëvizim nga tenxherja për një kohë të gjatë (24 orë) derisa ajo të jetë ftohur plotësisht. Më pas e hedhim në kavanoza qelqi të larë e fshirë mirë ku mos ketë asnjë pikë ujë.