POP 5

Lajmet më të lexuara të 5 minutave të fundit

Ekonomi

Global Finance vlerëson zhvillimin
e NBG Bank në tregun grek

Banka Kombëtare e Greqisë, u zgjodh si, “banka me zhvillimin më të mirë në tregun grek”.  Çmimi u dha në kuadër të “Çmimet 2013 Për Bankat me Zhvillimin më të Mirë në Tregjet Botërore.”
Global Finance vlerëson zhvillimin<br />e NBG Bank në tregun grek
TIRANË - Banka Kombëtare e Greqisë, u zgjodh si, “banka me zhvillimin më të mirë në tregun grek”.  Çmimi u dha në kuadër të çmimeve “World’s Best Developed Market Banks Awards 2013” (Çmimet 2013 Për Bankat me Zhvillimin më të Mirë në Tregjet Botërore), të cilat u ndanë për  të 20-in vit në rradhë nga revista ndërkombëtare ekonomike Global Finance.
 
Për NBG Bank, çmimi u mor në dorëzim nga nëndrejtori i përgjithshëm ekzekutiv i Bankes Kombëtare, Z. Petros Christodoulou, gjatë mbrëmjes së organizuar për ndarjen e çmimeve, në  12 Tetor 2013, në Uashington.
 
Me çmimet “World’s Best Developed Market Banks Awards”, revista Global Finance vlerëson ato Banka të cilat në mënyrë sistematike u përgjigjen nevojave të klientëve të tyre, në një ambjent të vështirë, duke siguruar rezultatet më të mira në tregun ku veprojnë.
 
Sipas revistës Global Finance, për përzgjedhjen e bankës më të mirë merren parasysh disa kritere specifike cilësore dhe sasiore, sic janë: rritja e kapitalit, fitimi, imazhi, aftësia drejtuese, mbulimi gjeografik, marrëdhëniet strategjike, si dhe zhvillimi i produkteve të reja dhe bashkëkohore. Përzgjedhja e bankave më të mira u krye, në vijim të propozimeve të bankierëve, përfaqësues të lartë të sferës ekonomike si dhe analistëve nga e gjithë bota.
 
Ky vlerësim i rëndësishëm ndërkombëtar konfirmon, edhe një herë, pozicionin e fortë të NBG Bank në sistemin financiar grek, si dhe përkushtimin e saj në strategjinë e ndjekur, me qëllim plotësimin e nevojave të klientëve dhe zhvillimin ekonomik të vendit.
 
Vetëm pak muaj më pare, NBG Bank u shpall banka më e mirë në Greqi për 2013 nga revista Euromoney, vlerësim që u dha në kuadër të cmimeve “Awards for Excellence 2013” (Çmimet për Cilësinë më të mirë 2013).
 
Redaksia online
(ac/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

NBA/ Humbje për Cleveland dhe Golden State, Lakers rikthehen te fitorja! Oklahoma kryeson në Perëndim

NBA/ Humbje për Cleveland dhe Golden State, Lakers rikthehen te fitorja! Oklahoma kryeson në Perëndim

28 Nëntor, 12:34