Pamje të rënda/ Goditet kolona me civilë teksa largohej nga Gaza veriore, dhjetëra të vdekur, mes tyre edhe fëmijë

Sulmet ajrore izraelite goditën autokolonat që largoheshin nga qyteti i Gazës të premten, duke vrarë dhjetëra njerëz dhe duke plagosur të tjerë. Mes viktimave raportohet se ka edhe fëmijë.

BBC raporton se janë regjistruar të paktën 12 viktima, ku kolona me civilë në Gaza ka qenë duke lëvizuar në një prej rrugëve të evakuimit. Pamjet e publikuara nga vendi i sulmit, tregojnë një kamion dhe dy automjete që kanë shpërthyer. Pamjet janë të rënda, me civilët e vrarë në rrugë, ndërsa duken edhe makina që kanë shpërthyer në flakë nga sulmet izraelite. 

Pamjet e tjera të filmuara përpara kësaj ngjarjeje treguan se kamionë të ngjashëm me këta ishin të mbushur me rreth 30 njerëz që udhëtonin në jug, në kërkim të një zone të sigurt. Disa do të jenë hedhur nga automjeti, të tjerët mund të kenë shpëtuar dhe janë larguar nga zona.

Më herët Egjipti, Izraeli dhe Shtetet e Bashkuara thanë se kanë arritur marrëveshje për t’i lejuar të  huajt që janë në Gaza, të largohen përmes pikës kufitare Rafah. Izraeli deklaroi dakordësinë që t’i ndalë sulmet në zonat ku do të kalojnë të huajt, për t’u larguar prej Gazës së rrethuar.

Lajmi kryesor:

Lufta në Rripin e Gazës/ Skadon afati i evakuimeve nga veriu! Netanyahu: Lëvizja e radhës po vjen! Ushtria izraelite: Po përgatisim sulm ajror, tokësor e detar ndaj Hamasit

SI.E./Shqiptarja.com

TAG:
• rripi i gazes
• sulmohet izraeli