Trafik droge e armësh në Belgjikë, shqiptarët u zbuluan nga përgjimet e grupit të Gëzim Çelës! Lokali i Fatos Markajt në Antwerp baza e grupit

Kjo kafene në lagjen Seefhoek të qytetit Antwerp në Belgjikë u sekuestrua nga policia si bazë e një grupi kriminal me 12 shqiptarë që kryenin trafik armësh, municioni dhe droge.

Grupi prej 12 shqiptarësh dhe të paktën 6 shtetasish të huaj, që u arrestuan të mërkurën në Bruksel është zbuluar pas hetimeve më tepër se një vjeçare nga autoritetet shqiptare e belge.

Report TV, mëson se policia shqiptare ra në gjurmët e tyre gjatë hetimeve për dosjen e operacionit "Flakë në det" në verën e vitit të kaluar, ku u tentua shkëmbimi i një ngarkese kanabisi me kokainë në det në zonën e Durrësit.

LEXO EDHE:
Apeli i GJKKO lë në fuqi sekuestron e pasurive mbi 400 mijë euro të Gëzim Çelës dhe të afërmve të tij

Rastësisht në përgjime doli një grup tjetër kriminal shqiptarësh, që trafikonin armë, municione dhe sasi të konsiderueshme kokaine nga Amerika Latine në Belgjikë, por që nuk kishte lidhje me grupin e Gëzim Çelës që tentoi shkëmbimin e kanabisit me kokainë në det.

Duke u nisur nga përgjimi rastësor, Policia identifikoi autorët të cilët u lokalizuan në disa zona dhe në Antwerp, qytetin port të Belgjikës që konsiderohet si një nga pikat kryesore të hyrjes ilegale të drogës në tregun europian.

 Fatos Markaj

Informacionet e mbledhura policia shqiptare ia dërgoi autoriteteve belge, ku 6 prej anëtarëve të grupit kriminal, ishin në hetim prej vitit 2022 për trafik armësh me drejtues një 51-vjeçar shqiptar.

Mediat në Belgjikë e identifikojnë atë si Fatos Markaj, pronar i lokalit “Pimpelhof” ku anëtarët e grupit kriminal takoheshin dhe flisnin për planet e tyre. Shqiptarët e tjerë të arrestuar janë Valdrin Markaj, Vitor Berisha, Sami Berisha, Nehat Berisha, Flamur Delic, Fatmir Delic, Zirkret Pepa, Bujar Hoxha, Gëzim Shabani, Alban Ferma dhe Artan Vigani.

 Nga hetimet rezulton se ata ishin të tepër të kujdesshëm në komunikime dhe shfrytëzonin lokalin “Pimpelhof” dhe platformën e mesazheve të koduara “SKY ECC” për bisedat e trafikut të drogës dhe të armëve, me qëllim shmangien e përgjimeve. Pronari Fatmir Markaj sipas mediave, disponon edhe një piceri në atë zonë e cila është mbyllur pas arrestimit të tij. Në kuadër të këtij hetimi, Policia belge ka kryer 19 kontrolle banesash dhe biznesesh.

TAG:
• operacioni flake ne det
• Gëzim Çela
• Fatos Markaj
• belgjike
• trafik kokaine

Sondazhi i ditës:

Si e vlerësoni funksionimin e Gjykatave dhe Prokurorive në qarqe?

• Mirë

  25.2%

• Keq

  61.4%

• Nuk e di

  13.5%

Vota total: 2130

• Sondazhi i ditës:

  Si e vlerësoni funksionimin e Gjykatave dhe Prokurorive në qarqe?

  Mirë Keq Nuk e di