Dita e dytë e Premier League në Angli vijoi me emocione, aty ku Liverpooli fitoi 2-1 kundër Chelsea për të vijuar në krye të renditjes. Nga ana tjetër Man. City përmbysi 1-2 Wolvesin, por fitorja e Liverpool i kthen në vendin e dytë.

Në "Anfield Road", Liverpool fitoi 2-1 kundër Chelsea në një ndeshje emocionuese dhe të denjë për dy klubet që zbrisnin në fushë. Djemtë e Arne Slot u treguan më të saktë dhe shënuan pas 29 minutave lojë me penalltinë e Salah. Me nisjen e pjesës së dytë Nicolas Jackson vendosi ekuilibrat, ndërsa Jones riktheu epërsinë e Liverpool në minutën e 51-të. Shtatë fitore në tetë ndeshje për Liverpool (e katërta radhazi). Arne Slot bëhet trajneri i parë i Liverpoolit në histori që fiton 10 nga 11 ndeshjet e tij të para në stol.

Në "Molineux", Wolves u mposhtën 1-2 nga Manchester City. Emocione deri në limite, me golin e tri pikëve për djemtë e Guardiolës që u shënua vetëm në shtesë. Ishin vendasit që "kafshuan" me Larsen në minutën e 7-të, para se Gvardiol të barazonte në të 33 minutë. Sërish një mbrojtës, këtë herë Stones i dha tri pikë Cityt me golin në minutën e pestë shtesë.

Kështu, Liverpool i përgjigjet Manchester Cityt dhe mban kreun e Premier League me 21 pikë, një më shumë se "Qytetarët". Chelsea mbetet në vendin e gjashtë me 14 pikë.

Premier League, raundi 8-të:

E diel, 20 tetor 2024

15:00 Wolves 1-2 Manchester City

17:30 Liverpool 2-1 Chelsea

Renditja:

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera