Premier League e futbollit në Angli filloi raundin e 12-të. Mesditën e të shtunës, Chelsea fitoi 0-2 në udhëtim kundër Burnleyt. Për vendasit 18 minuta në fushë i mori edhe Armando Broja, për ndeshjen e gjashtë sezonale, në të gjitha rastet i futur nga stoli. Sulmuesi shqiptar la pas një ndryshje kyçi me Kombëtaren, gjatë humbjes 0-2 në Tiranë kundër Anglisë.

Ndeshja në "Turf Moor" nisi e fortë, me dy skuadrat që e përqëndruan lojën në mesin e fushës. Gjithçka ndryshoi në minutën e 37-të, kur Gittens krosoi bukur për Pedro Neton, me portugezin që ia ndali sferën në rrjetë portierit Dubravka.

Në pjesën e dytë trajneri i Burnleyt, Scott Parker, bëri pesë ndryshime. Broja u fut në minutën e 72-të, por paçka përpjekjeve nuk la shenjë në këtë sfidë. Shpresat e vendasve për golin e barazimit i "fiku" Enzo Fernandez, që nga brenda zone nuk gaboi në minutën e 88-të duke "vulosur" shifrat 0-2.

Pas 12 ndeshjeve të luajtura, Chelsea me 23 pikë ngjitet për momentin në vendin e dytë të Premier League, tre pikë pas Arsenalit kryesues (një ndeshje më pak). Nga ana tjetër Burnley me 10 pikë mbetet në vendin e 17-të.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Matematika: 22/11/2025 18:05

    18 minuta dhe 5minuta shtese kemi 23 minuta intensive sepse ne fund luhet me rendimenti 150%

    Përgjigju
  • Sondazhi i ditës: 7 Janar, 22:17

    Si e menaxhoi qeveria situatën e përmbytjeve?

Lajme të tjera