La Liga e futbollit në Spanjë zhvilloi fundjavën që lamë pas ndeshjet e raundit të 28-të. Në 'Camp Nou' Barcelona fitoi 5-2 kundër Sevillas duke mbetur në krye të renditjes me 70 pikë, katër më shumë se ndjekësit e Real Madridit.

Ndeshja nisi me 'diktatin' e vendasve të cilët shënuan tre gola në harkun e 30 minutave. Kapiteni Raphinha i dha avantazhin e dyfishtë Barçës pasi u tregua i saktë dy herë nga pika e 11 metërshit në minutat 9 dhe 21. Më pas Dani Olmo shënoi edhe golin e tretë për vendasit. Në shtesën e tretë të pjesës së parë Sevilla shkurtoi me Oso.

Edhe fraksioni i dytë i lojës kishte të njëjtën 'melodi', me Barçën që shënoi me Raphinhan në minutën e 51-të, teksa kapiteni kompletoi tripletën në këtë duel. Goli i pestë për vendasit u shënua nga Joao Cancelo në minutën e 60-të. Në shtesën e dytë të ndeshjes Djibril Sow shënoi golin e dytë për Sevillan, me ndeshjen që u mbyll 5-2.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 14 Mars, 23:51

    18 vite nga Gërdeci, a besoni se do ndëshkohen përgjegjësit e vërtetë?

Lajme të tjera