Futbolli elitar spanjoll zbriti të martën në fushë me përballjen Barcelona - Atletico Madrid. Sfida në 'Camp Nou' u fitua 3-1 me përmbysje nga Barça, teksa katalanasit mbeten në krye të renditjes. Sot kundërpërgjigjet Real Madridi që luan në udhëtim kundër Athletic Bilbao.

NDESHJA - Dueli nisi me raste për të dyja skuadrat, por duhej minuta e 19-të që Baena të zhbllokonte shifrat për miqtë pas një asisti të Molinës. Vetëm shtatë minuta më vonë Barça u kundërpërgjigj dhe Raphinha përfitoi nga pasimi final i Pedrit për të ekulibruar rezultatin në 1-1. Barça mund ta mbyllte në epërsi pjesën e parë, kjo nëse veterani Robert Lewandowski do tregohej i saktë nga pika e 11 metërshit në minutën e 36-të. Polaku e dërgoi sferën shumë mbi traun e portës.

Në fraksionin e dytë Barcelona përmbysi ndeshjen me Dani Olmon në minutën e 65-të. Pas këtij goli ndeshja ishte më shumë se interesante, por Atletico nuk mundi të barazonte shifrat. Në minutën e gjashtë shtesë, një aksion i bukur i katalanasve bëri që Balde të pasonte për Ferran Torres, me këtë të fundit që "vulosi" shifrat për 3-1.

Sot në orën 19:00 luhet Athletic Bilbao - Real Madrid, teksa këto ndeshje vlejnë për raundin e 19-të të La Ligas, por po zhvillohen më herët pasi klubet janë të angazhuara në Superkupën e Spanjës.

Pas 15 ndeshjeve të luajtura, Barça me 37 pikë kryeson renditjen, ndjekur nga Real Madridi me 33 pikë (një ndeshje më pak).

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 4 Prill, 10:21

    Nafta arrin në 224 lekë/litri, a është e mjaftueshme vetëm ulja e akcizës?

Lajme të tjera