Bayern Munich rend me shpejtësi drejt titullit kampion në Bundesligën gjermane të futbollit. Bavarezët përmbysën 1-3 Augsburgun për raundin e 28-të, ndërsa festa u prish nga dëmtimi i Musiala.

Në "WWK Arena" vendasit e Augsburg surprizuan gjigantët e futbollit evropian duke u shënuar në minutën e 30-të me Giannoulis. Brenda fraksionit të parë ishte Jamal Musiala që vendosi ekuilibrat në 1-1. Me nisjen e pjesës së dytë "Bambi" Musiala u dëmtua dhe la fushën i zëvendësuar me Muller, duke shqetësuar stafin teknik.

Ky lëndim vjen para ndeshjes kundër Interit në Champions, teksa do jenë testet e tjera që do vlerësojnë seriozitetin e lëndimit në gju. Në Bavari "kryqëzojnë gishtat" dhe shpresojnë që Musiala mos u bashkohet mungesave tanimë të konfirmuara të Davies, Ito dhe mbase Upamecano.

Për të vijuar me ndeshjen, Augsburg mbeti me dhjetë lojtarë pas daljes me të kuq të Zesiger dhe një minutë më vonë Harry Kane i dha epërsinë Bayern Munich. Më pas ishte Matsima që me autogolin e tij dërgoi shifrat në 1-3.

Me këtë sukses Bayern Munich mban kreun me 68 pikë, nëntë më shumë se Leverkusen (-1 ndeshje) dhe ka siguruar pjesëmarrjen në Champions League. Ndërkohë që Augsburgu me 39 pikë mbetet në pozitën e tetë.
S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 9 Qershor, 11:09

    Si ju duket situata e trafikut në vend?

Lajme të tjera