LONDËR, Angli - Premier League e futbollit në Angli është në raundin e 11-të. Të shtunën në mbrëmje Chelsea siguroi tri pikë me peshë duke mposhtur 3-0 Wolvesin në një ndeshje të dominuar nga "Blutë". Ndërkohë që 'Ujqit' vijojnë "mos kafshojnë" këtë sezon dhe me vetëm dy pikë mbeten në pozitën e fundit.

Në "Stamford Bridge" pjesa e parë u mbyll pa gola dhe tifozët vendas u futën në presion, por Malo Gusto në minutën e 51-të zhbllokoi shifrat. Garnacho pasoi bukur dhe Gusto kaloi topin pas krahëve të Johnstone. 14 minuta më vonë, Joao Pedro tundi rrjetën për golin e dytë të Chelsea. Në minutën e 73-të Pedro Neto "vulosi" takimin për 3-0, kjo pas pasimit final të Garnacho.

Me dy fitore radhazi Chelsea ngjitet në kuotën e 20 pikëve për vendin e dytë momental. Ndërkohë që Wolves me vetëm 2 pikë ndodhet në pozitën e fundit.

Dje u zhvilluan edhe katër ndeshje të tjera. Tottenham dhe Manchester United barazuan 2-2, Everton mposhti 2-0 Fulhamin, West Ham u imponua 3-2 kundër Burnleyt, ndërkohë që Sunderlandi me Granit Xhakën në fushë ndali 2-2 kryesuesit e Arsenalit. "Topçinjtë" me 26 pikë vijojnë të mbajnë vendin e parë të Premier League.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera