Europa League zhvilloi mbrëmjen e së enjtes dy ndeshjet e para gjysmëfinale. Në Francë Marseille dhe Atalanta barazuan 1-1 duke lënë gjithçka të hapur për ndeshjen e kthimit javës që vjen. Berat Gjimshiti luajti 90 minuta duke bërë paraqitje të mirë te bergamaskët. Ndërkohë në Itali vendasit e Romës u mundën 0-2 nga Bayer Leverkusen.
Në "Olimpico" Roma ishte e pafuqishme kundër rekordmenëve të Bayer Leverkusen, me këta ta fundit që fituan 0-2 dhe janë me "një këmbë" në finalen e Europa League. Ndeshja për të besuarit e Xabi Alonsos u zhbllokua në minutën e 28-të nga Florian Wirtz. Talenti i "Aspirinave" përfitoi nga një gabim i mbrojtjes vendase dhe shënoi. Ndërkohë në pjesën e dytë Andrich shënoi një perlë që mund të jetë edhe goli më i bukur i Europa League, duke "vulosur" suksesin për gjermanët në aktin e parë. Në këtë duel nuk munguan nervat, me Granit Xhakën që u konfliktua me lojtarët vendas. Me këtë sukses, Leverkusen e çon në 47 numrin e ndeshjeve pa humbje këtë sezon, duke thelluar rekordin. Kujtojmë se dy javë më parë ata zyrtarizuan titullin e parë kampion në Bundesligë.
Tanimë të enjten që vjen do luhen ndeshjet e kthimit për të mësuar edhe dy skuadrat finaliste që do luajnë më 22 maj në "Aviva Stadium" në Dublin, Irlandë.
Europa League, ndeshjet e para gjysmëfinale:
E enjte, 03 maj 2024 - 21:00
Roma 0-2 Leverkusen (Wirtz 28', Andrich 73')
Marseille 1-1 Atalanta (Mbemba 20' / Scamacca 11')
Trajneri i Romës, Daniele De Rossi foli pas humbjes 0-2 kundër Leverkusen në gjysmëfinalen e parë të Europa League në "Olimpico". Ai nuk e drejtoi gishtin nga gabimi i Karsdorp që solli golin e parë, teksa ka besim te mrekullia dhe një përmbysje në duelin e kthimit më 9 maj në "BayArena".
“Kemi luajtur kundër një skuadre të fortë, e cila nëse kalon në epërsi, të krijon vështirësi në menaxhimin e topit. Ecuria e përgjithshme u bë në mënyrë korrekte, më pëlqeu pjesa e parë sepse e rikuperuam topin herët dhe i detyruam të hidhnin topa të gjatë, ishte ajo që kishim përgatitur.
Në ndeshjet e Europës shumë herë e kemi zhbllokuar në ndeshjen, por sot ndodhi e kundërta. Unë besoj shumë te kjo skuadër, pa dyshim që do të jetë e vështirë, por nuk do të dorëzohemi.
Gabimi i Karsdorp - Episodet janë gjithmonë vendimtare, por do të ishte e padrejtë nëse sot do të drejtonim gishtin për një gabim të bërë, kur ndoshta në ndeshjet e tjera fituam për gabimet e të tjerëve. Është pjesë e lojës. Të gjithë së bashku dalim nga kjo situatë, kemi edhe një ndeshje kthimi. Në sekondën e fundit patëm një mundësi të jashtëzakonshme", tha De Rossi.
Fillimisht përshëndetja naziste me krah, pastaj gjesti i majmunit. Kjo është sekuenca e veprimeve të kryera nga një tifoz i Atalantës gjatë ndeshjes së parë gjysmëfinale të Europa League ndërmjet Marseilles dhe zikaltërve, e cila përfundoi 1-1 në Francë.
Mbështetësi i italianëve u filmua në tribunat e 'Velodrome' dhe u ndalua menjëherë nga policia franceze dhe u dërgua në gjyq siç shpjegohet nga prefekti i rajonit të Marseille.
“Autori është ndaluar, është arrestuar dhe do të dalë para gjykatësit", tha ai. Në rrjetet sociale ka pamje me tifozë të Atalantës me krahët e shtrirë ose duke imituar lëvizjet e majmunit.
“Unë dënoj qartë sjelljen e disa tifozëve italianë gjatë OM-Atalanta, është e patolerueshme dhe e padenjë. Nuk ka vend për racizëm në stadium, as jashtë”, shpjegoi kryetari i bashkisë, Benoit Payan në rrjetet sociale.
Pas fitores 0-2 kundër Romës në gjysmëfinalen e parë të Europa League, mesfushori i Leverkusen, Granit Xhaka tha se të tijtë duhet të shënonin më shumë në "Olimpico" për të qenë më pranë finales. Megjithatë ai kërkon t'i mbajë të tijtë me "këmbë në tokë" duke thënë se nuk ka mbaruar asgjë.
"E dinim që ishte një ndeshje e vështirë, por ne luajtëm mirë. Është për të ardhur keq që nuk shënuam më shumë gola. Kemi bërë një hap të rëndësishëm, por e dimë forcën e Romës prandaj duhet të tregohemi të kujdesshëm. Finalja është afër, por e dimë që nuk ka mbaruar asgjë akoma”, tha Xhaka.
Ndeshja e kthimit zhvillohet të enjten që vjen në Gjermani.
Në "Olimpico" Roma ishte e pafuqishme kundër rekordmenëve të Bayer Leverkusen, me këta ta fundit që fituan 0-2 dhe janë me "një këmbë" në finalen e Europa League. Ndeshja për të besuarit e Xabi Alonsos u zhbllokua në minutën e 28-të nga Florian Wirtz. Talenti i "Aspirinave" përfitoi nga një gabim i mbrojtjes vendase dhe shënoi. Ndërkohë në pjesën e dytë Andrich shënoi një perlë që mund të jetë edhe goli më i bukur i Europa League, duke "vulosur" suksesin për gjermanët në aktin e parë. Në këtë duel nuk munguan nervat, me Granit Xhakën që u konfliktua me lojtarët vendas. Me këtë sukses, Leverkusen e çon në 47 numrin e ndeshjeve pa humbje këtë sezon, duke thelluar rekordin. Kujtojmë se dy javë më parë ata zyrtarizuan titullin e parë kampion në Bundesligë.
Lajme të tjera
-
VIDEO/ Granit Xhaka shënon supergol me mesazh, Leverkusen fiton në shtëpi! Tri pikë për Dortmund e Stuttgart
23 Nëntor, 18:38 -
Jepnin informacione për inteligjencën ruse, dy persona nën hetim në Milano nga prokuroria antiterrorizëm
20 Nëntor, 18:46 -
Xabi Alonso vendos të largohet nga Bayer Leverkusen
18 Nëntor, 15:30 -
Zyrtare/ Roma zhvillon stërvitjen me trajnerin e ri, Claudio Ranieri mbërrin në 'Trigoria'
14 Nëntor, 14:17 -
AS Roma kthen Claudio Ranierin nga pensioni, trajneri 73-vjeçari udhëton drejt Londrës për të takuar pronarët
13 Nëntor, 09:25 -
Trajneri i ri i Romës, Montella është i preferuari! Klauzola që e çliron nga Turqia
12 Nëntor, 15:08 -
De Rossi ‘sparkatë’ Mancinit: Nuk kam thënë kurrë se nuk do të kthehem te Roma
12 Nëntor, 11:40 -
GOLAT/ Interi barazon 1-1 kundër Napolit, Roma dështon sërish dhe shkarkon trajnerin! Atalanta merr vendin e dytë, renditja e Serie A bëhet 'lëmsh'
10 Nëntor, 15:38 -
Ndodh për herë të tretë radhazi, Berat Gjimshiti dëmtohet kur afrohen sfidat e Kombëtares
10 Nëntor, 15:11 -
Bundesliga/ Leverkusen tre ndeshje pa fitore, Dortmund mposhtet nga Mainz! Bayern Munich fiton në udhëtim dhe mban kreun
9 Nëntor, 17:45 -
Europa League/ Krah Mancinit, Bruno Fernandes dhe Diallo! Ernest Muçi në formacionin më të mirë të javës
8 Nëntor, 14:27 -
Dëmtim fatal, Mauro Icardi mbyll sezonin me Galatasarayn
8 Nëntor, 12:48
