Liverpooli ia doli të përmbyste 4-1 Newcastelin të shtunën për raundin e 24-t në Premier League. Elita e futbollit anglez pa një ndeshje spektakolare me shumë raste, ndërsa Liverpooli u rikthye te fitorja pas pesë ndeshjeve që nuk e bënte një gjë të tillë.

Ishin miqtë që e nisën më mirë ndeshjen dhe fillimisht goditën shtyllën me Barnes, para se Gordon nga brenda zonës t'i jepte Newcastel epërsinë momentale në minutën e 36-të.

Liverpooli reagoi shpejt dhe shënoi dy herë me Hugo Ekitike brenda pjesës së parë. Fillimisht një asist i Wirtz në minutën e 41-të u dërgua në rrjetë nga sulmuesi i të kuqve, ndërsa më pas Ekitike shënoi pas asistit të Kerkez.

Në pjesën e dytë ishte Florian Wirtz që shënoi golin e tretë dhe të qetësisë për Liverpoolin, para se Ibrahima Konate të 'vuloste' fitoren 4-1 të Liverpoolit në shtesën e tretë të sfidës, me golin e parë personal në Premier League.

Me 39 pikë Liverpooli ngjitet në pozitën e pestë dhe merr për momentin një vend në Kupat e Evropës.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 28 Janar, 09:18

    Burg deri në një vit për parkim dysh, si e vlerësoni?

Lajme të tjera