Serie A e futbollit mbylli të hënën raundin e 15-të. Në "Brianteo" vendasit e Monzës u mposhtën 1-2 nga Udinese, e cila rikthehet te fitorja pas pesë ndeshjeve pa pikët e plota.

Miqtë e Runjaic shënuan pas vetëm gjashtë minutave lojë me Lucca, i cili mori një pasim final nga Zemura dhe nuk gaboi përballë Turatit. Pjesa e parë u mbyll me këto shifra, ndërsa Monza reagoi në fraksionin e dytë dhe barazoi përkohësisht me Kyriakopoulos.

Miqtë nga Udine nuk u dorëzuan dhe gjetën golin e tri pikëve në minutën e 70-të me Bijol. Tanimë bardhezinjtë shkojnë në kuotën e 20 pikëve në vendin e nëntë, duke lënë Monzën me 10 pikë në pozitën e parafundit.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera