ANGLI - Të premte në mbrëmje Premier League e futbollit në Angli nisi me raundin e dytë të sezonit të ri 2026-27. Në stadiumin 'Selhurst Park' të Londrës, vendasit e Crystal Palace humbën 1-4 nga Manchester City.

'Qytetarët' e Enzo Marescas kaluan në epërsi pas 17 minutash lojë me Erling Haaland. Krosimi i Semenyo bëri që norvegjezi të kërcente mbi të gjithë dhe me kokë të mposhtte portierin Henderson.

Në minutën e 54-t Rayan Cherki shënoi golin e dytë për Cityn, përpara se Palace të shkurtonte me autogolin e Donnarummas dy minuta më vonë. Në zhvillimet e një goditje dënimi, gardiani nuk e ndali dot topin që pasi u stampua në shtyllë, u përplas në shpinën e tij dhe përfundoi në rrjetë.

Manchester City nuk u dorëzua dhe vetëm tre minuta më vonë shënoi golin e tretë, sërish me Rayan Cherki pas një asisti të Gvardiol, duke 'arkivuar' kështu tri pikët. Gjashtë minuta përpara fundit të ndeshjes sërish Haaland 'vulosi' fitoren 1-4 të Cityt.

Pas fitores së javës së parë kundër Bournemouth, City arrin sërish një tjetër sukses të plotë dhe me gjashtë pikë mban për momentin kreun e Premier League.

S.Dh/Shqiptarja.com
Sa e vlerësoni këtë artikull?
★ ★ ★ ★ ★
5.0 / 5 (1 vlerësim)
LAJMET MË TË VLERËSUARA

Komente

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës: 24 Gusht, 21:21

    Si ju duket plani i qeverisjes i paraqitur në Pogradec nga Rama?

Lajme të tjera