SPANJË - La Liga e futbollit në Spanjë nisi të premte me raundin e 27-të. Në stadiumin 'de Balaidos' vendasit e Celta Vigos u mposhtën vetëm në shtesë 1-2 nga Real Madridi. 'Galaktikët' rikthehen te fitorja pas dy humbjeve radhazi, ato kundër Osasunës dhe Getafes.

Fillimi i ndeshjes ishte i vrullshëm për dy skuadrat, teksa Aurelien Tchouameni kaloi Real Madridin në epërsi pas 11 minutave lojë. Vendasit e trajnerit Claudio Giraldez nuk u dorëzuan dhe barazuan në minutën e 25-të me Borja Iglesias.

Fraksioni i dytë i lojës ishte me shumë raste, por Celta Vigo u ndal nga shtylla në minutën e 87-të. Vetëm në shtesën e katërt të ndeshjes (90+4') Real Madridi do shënonte golin me vlerën e tri pikëve. Federico Valverde goditi nga hyrja e zonës dhe topi i devijuar nga mbrojtja e Vigos përfundoi në rrjetë.

Me këtë fitore Real Madridi ngjitet në kuotën e 63 pikëve për vendin e dytë në La Liga, një pikë pas Barcelonës kryesuese, por madrilenët kanë një ndeshje të luajtur më shumë. Celta me 40 pikë mban pozitën e gjashtë.

La Liga luan këtë të shtunë katër takime, teksa në orën 21:00 spikat Athletic Bilbao - Barcelona.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 4 Mars, 21:56

    Mendoni se ndryshimet në Ekzekutiv do përmirësojnë qeverisjen e vendit?

Lajme të tjera