SPANJË - Barcelona provoi të martën në 'Camp Nou', ia doli të shënonte tre gola, por pa mundur të përmbyste humbjen 4-0 të ndeshjes së parë kundër Atletico Madridit. Kësisoj djemtë e Diego Simeones janë finalistët e parë të Kupës së Mbretit, verdikt që u mësua pas gjysmëfinales së kthimit në Katalonjë.

Pjesa e parë e sfidës u mbyll me shifrat 2-0. Barça shënoi me Marc Bernal minutën e 29-të, ndërsa penalltia e Raphinhas në të 45+5' e dyfishoi rezultatin. Katalanasit dominuan edhe në fraksionin e dytë duke shënuar sërish me Marc Bernal, por pa mundur të gjenin golin e katërt që do e dërgonte ndeshjen në shtesë.

Me rezultatin e përgjithshëm 4-3 pas dy gjysmëfinalave, është Atletico Madridi që merr biletën e parë për në finalen e Kupës së Mbretit duke eliminuar kampionët në fuqi të këtij turneu.

Sot në orën 21:00 luhet Real Sociedad - Athletic Bilbao, ndërsa do mësohet finalisti i dytë. Në ndeshjen e parë të derbit bask ishte Sociedad që fitoi 1-0.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 28 Shkurt, 17:02

    Si e vlerësoni sulmin e SHBA dhe Izraelit ndaj Iranit?

Lajme të tjera