RIAD, Arabia Saudite - Bologna është skuadra e dytë që merr biletën e mbetur të finales së Superkupës së Italisë. Skuadra e Vincenzo Italianos mposhti Interin në gjysmëfinalen e turneut pas penalltive duke shuar ëndrrën e Cristian Chivu që të merrte një trofe me zikaltërit pas disa muajsh në stol. Kësisoj, trofeu i Superkupës nuk do shkojë në Milano.

Në stadiumin "King Saud" Bologna dhe Interi e mbyllën 1-1 kohën e rregullt. Ishte fillimisht Marcus Thuram që kaloi Interin në avantazh pas vetëm disa sekondave lojë, por Bologna u përgjigj brenda pjesës së parë me penalltinë e kthyer në gol nga Orsolini.

Në fund të 90 minutave skuadrat iu drejtuan penalltive dhe Bologna ishte më e saktë duke fituar 3-2. Bastoni, Barella dhe Bonny gabuan për zikaltërit, ndërsa për Bolognan gabuan Moro dhe Miranda. Immobile me penalltinë e realizuar mbylli llogaritë dhe i dha fituesve në fuqi të Kupës së Italisë biletën për në finalen e Superkupës, atë kundër Napolit e cila luhet të hënën në orën 20:00 në Riad të Arabisë Saudite.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 18 Prill, 08:22

    Si ju duk strategjia e drejtorit Hita në organizimin e policisë gjatë protestës së PD?

Lajme të tjera