POP 5

Lajmet më të lexuara të 5 minutave të fundit

Sport

GOLAT/ Spektakël në 'Anfield', Liverpool barazon 2-2 kundër Man. United! Të kuqtë komodë në krye të Premier League

Spektakël, emocione dhe katër gola. Liverpool barazoi në derbin e Anglisë 2-2 kundër Manchester United

Spektakël, emocione dhe katër gola. Liverpool barazoi në derbin e Anglisë 2-2 kundër Manchester United, për javën e 20-të të Premier League. Paçka renditjes, fusha nuk tregoi aspak se "Djajtë" e Amorim të jenë më inferiorë në cilësi dhe lojë.

Pjesa e parë nuk prodhoi gola, paçka se skuadrat patën raste. Në minutën e 52-të Lisandro Martinez kaloi Man. Unitedin në epërsi me një gol të bukur. Vetëm shtatë minuta më vonë Cody Gakpo do përgjigjej me të njëjtën monedhë dhe pasi "shtriu" në tokë de Ligt me një lëvizje të bukur, e djathta e holandezit u ndal në trekëndëshin e Onana.

Në minutën e 70-të de Ligt ndali topin me dorë në zonë dhe pas konsultës me VAR arbitri Oliver akordoi penallti për vendasit, e cila u kthye në gol nga Salah. Egjiptiani gjen golin e 18-të sezonal.

Në të 80 minutë Man. United gjeti forca dhe barazoi me Diallo për 2-2. Për t'u theksuar se Maguire kishte shansin të kthehej në hero për Man. United në sekondat e fundit të sfidës, por goditja e tij nga pranë zonës së vogël përfundoi mbi portën e Alisson.

Në fund 2-2 mes spektaklit dhe dy skuadrat që ndanë nga një pikë. Liverpool kryeson me 46 pikë tabelën e Premier League, ndërsa ka edhe një ndeshje më pak. Nga ana tjetër United me 23 pikë mban pozitën e 13-të.

Të shtunë Man. City fitoi, ndërsa në barazim u ndanë ekipet e Chelsea dhe Arsenal.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 6 Janar, 20:03

    Si iu duket trafiku rrugor në Shqipëri?

Lajme të tjera



×

Lajmi i fundit

VIDEO/ Puro, këngë dhe kërcim! Sergio Conceiçao 'e djeg' pas trofeut, vendos rekord me Milanin

VIDEO/ Puro, këngë dhe kërcim! Sergio Conceiçao 'e djeg' pas trofeut, vendos rekord me Milanin

7 Janar, 09:26