Manchester City fitoi 4-1 me Arsenalin për javën e 33-të në Premier League. "Qytetarët" shtypën skuadrën e Artetës, duke rihapur garën për titullin kampion në futbollin elitar anglez. Tanimë me dy ndeshje më pak, City ka dy pikë më pak se Arsenali kryesues. Për ndeshjen e katërt radhazi, Arsenali nuk di të fitojë, duke lënë pikë në garën për titullin.
City dominoi ndeshjen duke shënuar që në minutën e shtatë me De Bryune, pas asistit të Haaland. Goli i dytë i ndeshjes u shënua nga Stones në të 45+1 minutë. Edhe pjesa e dytë u luajt me ritëm të njëjtë, teksa De Bryune me dopietë dërgoi shifrat në 3-0. Në fund Holding shënoi golin e flamurit te Arsenali, teksa kishte vend edhe për Haaland që rezultati final të shkonte në 4-1.
Tanimë Arsenali me 75 pikë mban kreun, teksa Manchester City renditet në vendin e dytë (73), duke pasur dy ndeshje më pak. Duket se forma e mirë e "Qytetarëve" do ndryshojë renditjen e Premier League në pak javë.
Në ndeshjet e tjera të javës së 33-të, Nottingham fitoi 3-1 me Brighton, Chelsea mori humbjen e pestë me Lampard në stol, duke u mundur 0-2 në Londër nga Brentford. Liverpooli përmbysi West Hamin duke fituar 1-2.