SPANJË - Real Madridi siguroi një fitore të rëndësishme në javën e 23-të të La Ligas, duke mundur të dielën Valencian me rezultatin 0-2 në 'Mestalla' në një ndeshje ku golat u shënuan në pjesën e dytë.

Ndeshja nisi me dominim nga madrilenët, të cilët krijuan rastet e para serioze, përfshirë një tentativë nga Kylian Mbappe në minutën e 19-të, që u ndal nga portieri i Valencias, Stole Dimitrievski.

Pjesa e parë u mbyll pa gola, por Real Madridi ndryshoi ritmin pas pushimit. Në minutën e 65-të, Alvaro Carreras realizoi një gol të bukur pas një aksioni individual, duke dërguar topin pranë shtyllës së majtë dhe duke kaluar në avantazh miqtë.

Valencia u afrua pranë barazimit në minutën e 71-të, kur Lucas Beltran goditi shtyllën, duke humbur një mundësi të artë. Në minutat shtesë, Reali 'vulosi' fitoren me golin e Kylian Mbappe, i cili shënoi pas një asistimi nga Brahim Diaz, duke mbyllur takimin 0-2.

Me këtë fitore, Real Madridi mban vendin e dytë në klasifikim me 57 pikë, vetëm një më pak se Barcelona kryesuese, duke vijuar luftën e fortë për titullin kampion të La Ligas. Ndërkohë Valencia me 23 pikë mban vendin e 17-të dhe rrezikon zonën e ftohtë.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 28 Shkurt, 17:02

    Si e vlerësoni sulmin e SHBA dhe Izraelit ndaj Iranit?

Lajme të tjera