POP 5

Lajmet më të lexuara të 5 minutave të fundit

Ekonomi

Goldstein e BB takon Berishën:
Kujdes ekuilibrat makro-ekonomik

Kujdes për ekuilibrat makro-ekonomikë. Ky është mesazhi që Drejtoresha e re e Bankës Botërore dhe Koordinatore Rajonale për Evropën Juglindore, Znj. Ellen Goldstein, i ka përcjellë kryeministrit Berisha gjatë një takimi.
Goldstein e BB takon Berishën:<br />Kujdes ekuilibrat makro-ekonomik
TIRANE- Kujdes për ekuilibrat makro-ekonomikë. Ky është mesazhi që Drejtoresha e re e Bankës Botërore dhe Koordinatore Rajonale për Evropën Juglindore, Znj. Ellen Goldstein, i ka përcjellë kryeministrit Berisha gjatë një takimi.

“Ekonomia shqiptare ecën më shpejt dhe më mirë se ekonomitë e tjera, por ajo nuk mund t’i shpëtojë efekteve të kësaj krize të gjatë, ndaj, në këtë kuadër, kujdesi për ekuilibrat makro ekonomik, është gjithmonë i domosdoshëm”- theksohet të ketë thënë znj. Goldstein, sipas njoftimit që ka përcjellë zyra për shtyp e Kryeministrisë.

Gjithnjë sipas këtij njoftimi zyrtar drejtoresha e Bankës Botërore ka deklaruar se ky institucion do të vazhdojë të bashkëpunojë dhe financojë projekte që konsiderohen prioritare për qeverinë shqiptare dhe ekonominë reale, duke pasur prioritet sektorin e energjisë.

Ndërkaq Kryeministri Berisha theksoi se dialogu me Bankën Botërore ka qenë, është dhe do të jetë i vazhdueshëm, bazuar në marrëdhënie të hapura, në vullnet të mirë dhe besim.
Gjithashtu, Kryeministri Berisha i prezantoi zonjës Goldstein paketën e reformave të ndërmarra nga qeveria për të ndihmuar rritjen ekonomike dhe zhvillimin e shpejtë të vendit. “Në këto muajt e fundit, theksoi Kryeministri, është përgatitur një paketë tjetër lehtësish për bërjen e biznesit. Për t’iu përgjigjur lehtësive fiskale dhe administrative të ofruara kohët e fundit, qeveria, pas 6 mujorit të parë, do të adaptojë buxhetin, praktikë kjo gjithmonë e suksesshme në këto 8 vite qeverisjeje.”- ka deklaruar Berisha.

Kryeministri Berisha shprehu besimin se, së shpejti, dy projektet madhore, ai i kaskadës së Devollit, të kompanive Statkraft dhe EVN dhe realizmi i projekti TAP, do të kontribuojnë në rritjen e punësimit dhe në mbështetjen e rritjes ekonomike.

(Redaksia online)
(sg/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Media: Armëpushimi në Liban do të shpallet sonte pas orës 22:00

Media: Armëpushimi në Liban do të shpallet sonte pas orës 22:00

26 Nëntor, 15:21