GOLI/ Gjashtë minuta në fushë, Armando Sadiku shënon në Spanjë

GOLI/ Gjashtë minuta në fushë, Armando Sadiku shënon në Spanjë

Armando Sadiku

Armando Sadiku ka gjetur golin e tetë me fanellën e Cartagenas në La Liga 2 të Spanjës. Për javën e 30-të në kampionat, elbasanasi e ka nisur ndeshjen nga stoli për t'u aktivizuar në minutën e 76 të ndeshjes. Sadikut iu deshën vetëm gjashtë minuta lojë për të dalë te goli. Cartagena e tij fitoi 0-3 në transfertë me Ponferradina.

Një kundërsulm i shpejtë në minutën e 82 bëri që Izquierdo të asistonte për 31-vjeçarin shqiptar, me këtë të fundit që nuk e pati të vështirë të mposhtte Abedzadeh me një të majtë të ëmbël.

Tanimë Sadiku ka kapur kuotën e tetë golave në La Liga 2 në Spanjë, teksa ka luajtur 1300 minuta në kampionat, me një mesatare prej 180 minutash për gol. Cartagena me 44 pikë është në vendin e tetë, vetëm gjashtë pikë më pak se zona e promovimit. Kujtojmë se La Ligan 2 sa i takon golashënuesve e kryeson Myrto Uzuni i Granadës me 18 gola.

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Shembja e urës në Baltimora, gjenden dy trupa të pajetë

Shembja e urës në Baltimora, gjenden dy trupa të pajetë