FUSHË KRUJË - Gjendet i djegur automjeti që përdorën grabitësit e argjendarisë në Fushë-Krujë. Makina e tipit “Audi”, pa targa, është gjetur në Komunën e Ishmit në Durrës.

Ndërkaq, policia e ndodhur në vendngjarje po heton rreth kësaj ngjarje.

15:04 FUSHË KRUJË, PERSONA TË ARMATOSUR E ME MASKA GRABISIN ARGJENDARINË
Persona të armatosur dhe të maskuar kanë grabitur një argjendari në qendër të qytetit të Fushë Krujës.

Ngjarja ka ndodhur rreth orës 14:35 minuta, ndërsa pronari i dyqanit të grabitur nuk ka bërë rezistencë.

Burime nga vendi i ngjarjes kanë bërë të ditur se, argjendaria e grabitur është në pronësi të Albert Bardhit. Personat e armatosur kanë qëlluar në ajër jashtë dyqanit, për të larguar njerëzit.

Ata kanë grabitur një sasi floriri dhe lekësh që ndodheshin në argjendari.

Aktualisht është bërë e ditur se, policia ka rrethua zonën me qëllim kapjen e grabitësve.

Bëhet e ditur se, nuk ka persona të lënduar nga kjo ngjarje e rëndë.
 
Redaksia online
(ac/shqiptarja.com)