Grabitet argjendaria në Kamëz, 3 autorët të maskuar marrin 500 gram flori nën kërcënimin e automatikut! Momenti kur arratisen me 'BMW' (FOTO)

Një argjendari në rrugën “Nënë Tereza” në Kamëz ka rënë pre e gabitësve pasditen e të martës (28 nentor) 

Tre persona të maskuar kanë hyrë në argjendarinë "Marsi" dhe nën kërcënimin e një automatiku kanë marrë disa bizhuteri floriri me peshë 500 gram, të cilat kanë qenë në tavolinë për shitje.

Punonjësit e argjendarisë, kanë deklaruar se grabitësit nuk kanë arritur të marrin para. Më pas, autorët janë larguar në drejtim të paditur me një automjet tip “BMW" të bardhë, fotot e të cilës janë siguruar nga “Report TV”. 

Report Tv mëson se targat e makinës që kanë përdorur 3 autorët për të kryer grabitjen, i përkasin në fakt një automjeti tip "Hunday". Kurse pronarja e argjendarisë ka deklaruar se njëri prej autorëve fliste dialekt nga jugu i vendit. 

Janë ngritur pikat e përkohshme të kontrollit në qarqet Tiranë, Durrës, Lezhë, Kukës dhe Shkodër. Grupi hetimor ka sekuestruar kamerat e sigurisë për të zbardhur detaje lidhur me identitetin e grabitësve. Për këtë rast është krijuar një grup i posaçëm hetimor me specialistë të strukturave të posaçme të luftës kundër krimeve të rënda. 

Makina e autorëve

Rendit zhvillimet sipas orarit:
Ora 20:52
Grabitja e argjendarisë në Kamëz, targat e BMW-së së autorëve i përkisnin tjetër automjeti! U vodhën 500 gram flori! Pronarja: Njëri prej tyre kishte dialekt jugu

1701201421_WhatsAppImage20231128at19.50.152.jpeg

Detaje të reja janë zbardhur nga grabitja e argjendarisë në Kamëz orët e para të mbrëmjes së sotme. Mësohet se 3 autorët e maskuar kanë ardhur nga Fushë-Kruja ndërsa kanë përdorur targat e një automjeti tjetër tip “Hunday” të cilat ia kishin vendosur “BMW”-së X6 me të cilën kryen grabitjen.

Report Tv mëson se autorët janë larguar në drejtim të Laknasit. Ndërsa sipas dëshmisë së pronares së argjendarisë, njëri prej autorëve kishte dialekt nga jugu i vendit. Dyshohet se janë grabitur rreth 500 gramë flori nga argjendaria.

Ora 19:54
Report TV siguron FOTO-n e ‘BMW’-së me të cilën u larguan 3 grabitësit e argjendarisë në Kamëz

Report Tv ka siguruar pamjet ekskluzive të automjetit tip "BMW" me të cilin u larguan 3 personat që grabitën argjendarinë në Kamëz. Autoritetet nuk kanë arritur ta identifikojnë makinën nga targat pasi në pamje nuk dallohen. Janë porositur shërbimet e policisë që të kontrollohet çdo makinë e ngjashme në qarkullim.

Ora 18:18
Grabitja e argjendarisë në Kamëz, reagon policia: Ishin tre autorë të maskuar, vodhën bizhuteritë me automatik dhe u larguan me 'BMW'

Policia ka dhënë detaje për grabitjen e ndodhur këtë mbrëmje në një argjendari në Kamëz. Blutë njoftojnë se autorët kanë qenë tre persona të cilët të maskuar dhe nën kërcënimin e automatikut kanë marrë disa bizhuteri në argjendari dhe më pas janë larguar me makinë. 

Kamëz/Informacion paraprak

Më datë 28.11.2023, rreth orës 17:15, në rrugën “Nënë Tereza”, tre persona të maskuar, nën kërcënimin e një sendi të dyshuar si armë zjarri automatik, kanë marrë disa bizhuteri në argjendarinë e shtetases E. S., dhe më pas janë larguar me një automjet tip "BMW".

Shërbimet Policisë kanë shkuar menjëherë në vendngjarje. 

Janë ngritur pikat e përkohshme të kontrollit në qarqet Tiranë, Durrës, Lezhë, Kukës dhe Shkodër. 

Për këtë rast është krijuar një grup i posaçëm hetimor me specialistë të strukturave të posaçme të luftës kundër krimeve të rënda. 

Grupi hetimor mbi bazën e të dhënave të administruara po punon për zbardhjen e dokumentimin e autorësisë të kësaj ngjarje.

Ora 18:02
Grabitja në Kamëz, autorët ishin 3, një prej tyre kishte armë! Nuk morën para, por vetëm bizhuteri

3 mësohet se kanë qenë autorët e grabitjes së argjendarisë në Kamëz këtë të martë. Punonjësit e argjendarisë kanë deklaruar se autorët nuk kanë marrë para por vetëm buzhuteri.

B.K/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A e forcon sigurinë dhe rolin e Shqipërisë baza e NATO-s në Kuçovë?



×

Lajmi i fundit

Gjykata Ndërkombëtare Penale lëshon fletarrestime për dy komandantë të lartë rusë

Gjykata Ndërkombëtare Penale lëshon fletarrestime për dy komandantë të lartë rusë