Policia e Vlorës ka arrestuar një nga personat e implikuar në vjedhjen e Bankës në Vlorë në datën 11 Korrik të këtij viti. Në prangat e policisë ka rënë Kostandinos Shakaj, 37 vjeç, lindur në fshatin Kotë dhe banues në fshatin Vajzë, Vlorë.

Arrestimi i tij u krye, pasi në bashkëpunim me autorin tjetër Gaqo Gjini, më datë 10.07.2016, kanë vjedhur automjetin tip "Benz-Mercedes-2500" me targë të huaj 435AJL06, mjet të cilin e kanë përdorur për të kryer vjedhjen e bankës së nivelit të dytë "BKT" Vlorë.

Shakaj, është person me precedent penal të mëparshëm, i cili ka qenë shpallur në kërkim për "Vjedhje me dhunë, kryer në bashkëpunim", vepër penale për të cilën i është caktuar masa e sigurisë "Arrest në burg".

Mesditën e 11 korrikut, një muaj më parë persona të armatosur grabitën një filial të BKT, pranë Sheshit të Flamurit, në qytetin e Vlorës. Nën kërcënimin e armëve ata arritën të marrin mbi 100 milionë lekë. Kartmodhenat e grabitura ishin 6 milionë lekë si dhe 39 mijë euro. 

Kostandinos Shakaj
(Kostandinos Shakaj)

Njoftimi i policisë
Policia zbulon autorët e vjedhjes së bankës së nivelit të dytë, të ndodhur më datë 11.07.2016.

Njëri arrestohet, tjetri shpallet në kërkim.

Shërbimet e Policisë së Vlorës gjatë hetimeve intensive në lidhje me ngjarjen, kanë bërë identifikimin, kapjen dhe arrestimin e shtetasit:

· Kostandinos Shakaj, 37 vjeç, lindur në fshatin Kotë, banues në fshatin Vajzë, Vlorë.

Shpallet në kërkim shtetasi:
· G.Gj., 36 vjeç, banues në Vlorë (punohet për kapjen e tij).

Arrestimi i shtetasit Kostandinos Shakaj, u krye pasi në bashkëpunim me shtetasin G.Gj, më datë 10.07.2016, kanë vjedhur automjetin tip "Benz-Mercedes-2500" me targë të huaj 435AJL06, mjet të cilin e kanë përdorur për të kryer vjedhjen e bankës së nivelit të dytë "BKT" Vlorë.

Shakaj, është person me precedent penal të mëparshëm, i cili ka qenë shpallur në kërkim për "Vjedhje me dhunë, kryer në bashkëpunim", vepër penale për të cilën i është caktuar masa e sigurisë "Arrest në burg".

Policia vijon hetimet për zbulimin e autorëve të tjerë të implikuar në lidhje me ngjarjen.