Grackë dhe perimetër sigurie, kurthi i policisë për të arrestuar Gentian Ballën nga Shijaku (VIDEO)

Policia e Durrësit ka vënë në pranga një 40-vjeçar, i cili është kapur duke lëvizur me armë zjarri.

Bëhet fjalë për 40-vjeçarin Gentian Balla nga Shijaku, i cili ka qenë i dënuar me parë me 15 vite burg për vrasje me dashje.

Duke marrë parasysh rrezikshmërinë e personit, blutë e Durrësit kanë ngritur pika kontrolli gracë, e më pas kanë mundur që të bëjnë identifikimin e automjetit me të cilin po lëvizte.

Në momentin që Policia ka ndërhyrë për të ndaluar automjetin, 40-vjeçari ka braktisur mjetin dhe ka tentuar të largohet me vrap duke hedhur edhe armën e zjarrit në tokë, por është arrestuar më pas nga policia, e cila kishte ngritur edhe perimetër sigurie në mënyrë që ai të mos arratisej.

Gentian Balla, sipas policisë është një person me rrezikshmëri të lartë, me precedent kriminal në fushën e krimeve ndaj personit dhe ka qenë i dënuar më parë me 15 vite burg për veprën penale "Vrasja me dashje", ngjarje e ndodhur në vitin 1997.

Ndaj Ballaës tani rëndojnë akuzat e "Mbajtjes pa leje e armëve dhe municioneve luftarake’’ dhe “Mosbindja ndaj urdhrit të punonjësit të policisë".

Policia ka sekuestrua në cilësinë e provës materiale armën e zjarrit pistoletë, me 13 fishekë luftarakë dhe automjetin tip Benz.

1570517049_magnum.jpg

G.D./Shqiptarja.com
Komento