Mesfushori shqiptar i Bayer Leverkusen, Granit Xhaka është në listën e 30 futbollistëve më të mirë të vitit 2024 dhe ka mundësi për të fituar "Topin e Artë", trofeun më prestigjoz individual për sportistët në botë.
Xhaka, regjisori i Leverkusen ishte ndër lojtarët kyç që "Aspirinat" ia dolën të siguronin trofeun e Bundesligës për herë të parë në histori dhe France Football e ka shpërblyer 30-vjeçarin me emrin në listën e ngushtë për të fituar këtë trofe.
Ceremonia e ndarjes së 'Topit të Artë' do të mbahet më 28 tetor në Paris, ku do të mblidhen personalitete të njohura nga bota e futbollit për të nderuar më të mirët e vitit.
![](https://shqiptarja.com/template/img/NO_ALFA_Kuadrate shqiptarja.png)
Këtë vit, disa lojtarë të tjerë janë gjithashtu në garë për çmimin, duke përfshirë Vinicius Jr e Jude Bellingham të Real Madridit, Rodri i Manchester City-t, që të gjithë janë konsideruar si favoritë për të fituar 'Topin e Artë'.
Graniti fitoi Bundesligën me Bayer Leverkusenin pa pësuar asnjë humbje, po ashtu shtoi DFB Pokal dhe Superkupën e Gjermanisë.
Nominated for the 2024 Ballon d’Or
— Ballon d'Or (@ballondor) September 4, 2024
Granit Xhaka
Bayer Leverkusen
Switzerland#ballondor pic.twitter.com/UsrOnuNUWL
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)