Policia greke ka shkatërruar një grup trafikantësh që merrej me shpërndarjen e drogës, jo vetëm brenda territorit të shtetit helen por edhe në vendet e Bashkimit Europian. 20 persona janë arrestuar, 10 shtetas grek, 9 shtetas shqiptarë, mes të cilëve edhe një femër, si dhe një sirian. Gjithsej janë lëshuar 43 urdhër arreste. 
Mes të arrestuarve grekë ndodhet edhe një pjesëtar aktiv i policisë, roli i të cilëve ishte të vinte në dijeni organozatën, mbi lëvizjet e shërbimit të ndjekjes kundër drogës.

droga greqi

Nga hetimet e policisë greke grupi ishte i përbërë nga tre nëngrupe të vogla që secili kishte një detyrë. Sipas mediave greke 36- vjeçari shqiptar Edmond Kotori ishte një nga drejtuesit, ndërsa jepte urdhra nga burgu i Grevenasë, ku po vuan dënimin. Një tjetër shqiptar i arrestuar është dhe shoku i Marian Kolës, Sandër Pemaj. Grupi i parë i drejtuar nga 36-vjeçari Edmond Kotori ishte aktiv në importimin e drogës në qendrën e paraburgimit në Koridallos. 

droga greqi

Grupi i dytë i kryesuar po nga 36-vjeçari, ishte aktiv në importin e drogës nga Turqia dhe Shqipëria dhe shpërndarjen më pas në Athinë dhe në rajone të tjera të tjera të Greqisë dhe në vendet e Evropës Perëndimore.
 
I treti, me koordinatorë një 33-vjeçar shqiptar dhe një 25 vjeçar grek, ishte aktiv në importin e drogës nga Holanda, Turqia dhe Shqipëria dhe tregtimin e lëndës narkotike në rajonin e Athinës perëndimore. Policia ka deklaruar se vlera e drogës së trafikuar nga organizata e kalon shifrën tre milionë euro.

 Në cilësinë e provës materiale policia ka sekuestruar: 
• 1.795 kg kokainë 
• 2.085 kg heroinë 
• 7.864 kg kanabis 
• Laborator për përpunimin e drogës 
• dy pistoleta me tre karikatorë 
• dy armë 
• 91 fishekë 
• dy shpata 
• një dorezë bronzi 
• një shkop prej druri 
• 33.615 euro • 5.100 lekë shqiptare 
• katër zinxhirë floriri 
• një dollar amerikan 
• gjashtë mjete 
• një motor 
• 61 celularë 
• një tablet 
• dy peshore elektronike


Redaksia Online
(u.s/shqiptarja.com)